افغانیستاندا مسجیده سالدیری
شیعهلره عاید بیر مسجیده تشکیل ائدیلهن بومبالی سالدیریدا اؤلو و یارالیلارین اولدوغو بیلدیریلدی
1716896
افغانیستانین قندوز ویلایتینین سید آباد بؤلگهسینده شیعهلره عاید بیر مسجیده تشکیل ائدیلهن بومبالی سالدیریدا اؤلو و یارالیلارین اولدوغو بیلدیریلدی.
طالبان سؤزچوسو ذبیحالله مجاهد، سالدیرینین جمعه نامازی سیراسیندا تشکیل ائدیلدیگینی سؤیلهدی.
سالدیریدا اؤلو و یارالیلارین اولدوغونو ایفاده ائدن مجاهد، طالبان گوجلرینین بؤلگهیه چاتدیغینی و سالدیری ایله باغلی آراشدیرما باشلادیلدیغینی ایفاده ائتدی.
یئرلی مسئوللارا گؤره سالدیریدا ان آز ۵ نفر حیاتینی ایتیررکهن ۲۰دهن چوخ انسان یارالاندی.
شاهیدلرین انتیحار ائیلمی اولدوغونو ایفاده ائتدیگی سالدیرینی اوستلنن اولمادی.
افغانیستاندا گئچمیشده شیعهلره قارشی هوجوملارین چوخونو ترور هؤرگوتو داعش اوستلنمیشدی.