پاشینیان: تورکیه ایله ایلیشکیلری نورماللاشدیرماغا حاضیریق

ارمنیستان باشباخانی نیکول پاشینیان، تورکیه ایله ایلیشکی‌لری نورماللاشدیرماغا، قورو و قاتار یولو نقلیاتینی تکرار حیاتا گئچیرمه‌یی مشاوره ائتمه‌یه حاضر اولدوقلارینی سؤیله‌دی.

پاشینیان، ایروان‌دا گوندمده‌کی قونولارا باغلی حکومت توپلانتیسیندا دانیشدی.

جمهورباشقانی رجب طیب اردوغانین ارمنیستان ایله ایلیشکی‌لری نورماللاشدیرماغا دایر آچیقلامالار وئردیگینی ایفاده ائد‌ن پاشینیان،

"بو آچیقلامالاردا تورکیه ایله ارمنیستان آراسین‌داکی ایلیشکی‌لری نورماللاش‌دیرما احتیمالینی گؤروروک. تورکیه ایله ایلیشکی‌لری نورماللاش‌دیرما، قورو و قاتار یولو نقلیاتینی تکرار حیاتا کئچیرمه‌یی مشاوره ائتمه‌یه حاضیریق. بئله بیر گؤروشمه‌یه حاضیریق و بونو داها دا گئنیشله‌ده‌بیلریک" دئیه دانیشدی.

پاشینیان، سؤز قونوسو مشاوره‌لرله بؤلگه باغلانتیلارینین بوتون یؤنلرده تامین ائدیله‌بیله‌جگینی ایضاح ائد‌رک،

"روسیا بو قونودا یاردیمچی اولماغا حاضر اولدوغونو بیان ائتدی. آوروپا بیرلیگی، اؤزللیکله فرانسا و آمریکا بیرلشمیش دؤولتلری ده بو سوره‌جله ماراقلانیر. هیندیستان و چینین ده بؤلگه‌ده‌کی نقلیاتین تکرار حیاتا گئچمه‌سینه دایر یاناشمالاری بللی" ایفاده‌لرینی ایشلتدی.

پاشینیان، بؤلگه‌ده قوزئیدن گونئییه نقلیات کوریدورونا دایر پلانلارین ایران و گورجوستانلا ائدیله‌ن گؤروشمه‌لرده اؤزل بیر یئر توتدوغونو دا سؤزلرینه علاوه ائتدی.