ناتو، اربیلده بیر قرارگاه داها آچاجاق
بورل، آوروپا بیرلیگینین، ترور هؤرگوتو داعشه قارشی محلی ادارهنی دستکلهمهیه قرارلی اولدوغونو بیلدیردی
آوروپا بیرلیگی خاریجی ایلیشکیلر و گوونلیک سیاستی یوکسک نمایندهسی جوزپ بورل، ناتونون عراقین اربیل شهرینده ایکینجی بیر قرارگاه آچماغی پلانلادیغینی سؤیلهدی.
بورل، عراق محلی اداره باشچیسی نچیروان بارزانی ایله اربیلده اورتاق مطبوعات توپلانتیسی تشکیل ائتدی.
بورل، محلی ادارهنین، عراقین و بؤلگهنین ثابیتلیگینده اؤنملی رول اوینادیغینی، اربیل و بغداد آراسیندا یاخشی ایلیشکیلر گؤرمکدن ممنونیت دویاجاقلارینی و بو ایلیشکیلری گوجلهندیرمهیه چالیشاجاقلارینی قید ائتدی.
آوروپا بیرلیگینین، ترور هؤرگوتو داعشه قارشی محلی ادارهنی دستکلهمهیه قرارلی اولدوغونو بیلدیرن بورل، هؤرگوتون هله بیتمهدیگینی بیلدیکلرینی ایفاده ائتدی.
بورل، اربیلده حربی مصلحتچیلر اوچون ایکینجی بیر ناتو قرارگاهی آچیلاجاغینین یانیندا آوروپا بیرلیگیندن حربی مصلحتچیلرین بؤلگهدهکی ایشلرینین داوام ائدجگینی سؤزلرینه علاوه ائتدی.
آوروپا بیرلیگی یوکسک نمایندهسی، سیراغا گون ده عراق خاریجی ایشلر یاخانی فواد حسین ایله بغداددا بیر آرایا گلمیشدی.