طالبان، گئچیجی حکومتینی آچیقلادی
طالبان سؤزچوسو، ملا محمد حسن باشقانلیغین‌دا "گئچیجی حکومتین" قورولدوغونو آچیقلادی
افغانیستان‌دا طالبان، دونن اؤلکه‌ده کنترلو تامامیله اله گئچردیگینی اعلان ائتمه‌سینین آردین‌دان ملا محمد حسن باشقانلیغین‌دا "گئچیجی حکومتین" قورولدوغونو آچیقلادی.
طالبان سؤزچوسو ذبیح‌‍‌الله مجاهد، کابل‌دا تشکیل ائتدیگی مطبوعات کنفرانسیندا "گئچیجی حکومت‌ده" یئر آلاجاقلارین آدینی آچیقلادی.
مجاهد، "باشباخان وکیلی" وظیفه‌سینه حسنین گتیریلدیگینی ایفاده ائدرکه‌ن یاردیمچی‌لیغی اوچون ملا عبدالغنی برادر و عبدالسلام حنفینی وظیفه‌لندیردیکلرینی سؤیله‌دی.
طالبان حکومتین‌ده اؤنه چیخان آدلار بونلار اولدو:
"ایچ ایشلری باخانلیغی وکیل‌لیگی" - سراج‌الدین حقانی.
"دیش ایشلر باخانلیغی وکیل‌لیگی" - امیرخان متقی.
"ساوونما باخانلیغی وکیل‌لیگی" - محمد یعقوب مجاهد.
طالبان، دونن، پنجشیر ویلایتین‌ده اولوسال دیرنیش جبهه‌سی لیدئری احمد مسعود گوجلریله چاتیشمالارین سونا چاتدیغینی، بؤلگه‌ده تام کنترلو تامین ائتدیکلرینی بیلدیرمیشدی.
