ایران: عراقا صادر ائدیلن گاز مقداری آزالدیلدی
"ایران، صادر ائتدیگی گاز میقدارینی آزالداجاغینی ۲ هفته اؤنجه عراقا چاتدیرمیشدی"
ایران ملی گاز شیرکتی دیسپچینگ مودورو محمد رضا جولایی، عراقا صادر ائدیله‌ن طبیعی گاز میقدارینین بو اؤلکه ایله داها اؤنجه ائدیله‌ن بیر آنلاشما چرچیوه‌سین‌ده دوشورولدوگونو بیلدیردی.
ایران نفت باخانلیغینا عاید انرژی خبر آژانسینین (شانا) خبرینه گؤره، جولایی، عراق رهبرلیگینین، ایراندان وارد ائتدیگی طبیعی گاز و الکتریک اؤدنیشینی اؤدمه‌دیگی اوچون صادر ائدیله‌ن گاز میقدارینین دوشورولدوگونو آچیقلایان ایران ملی نفت شیرکتینین عکسینه، "بورجلارین آلینماسی هله گوند‌مده اولماسینا باخمایاراق بو قونونون اونلارین ایرانا اولان بورجلارییلا بیر علاقه‌سی یوخ" دئدی.
جولایی،
"ایران، صادر ائتدیگی گاز میقدارینی آزالداجاغینی ۲ هفته اؤنجه عراقا چاتدیرمیشدی و داها اؤنجه بو اؤلکه ایله ائدیله‌ن آنلاشما چرچیوه‌سین‌ده بو آزالتما ۶ آی قدر سوره‌جک" ایفاده‌لرینی ایشلتدی.
عراق الکتریک باخانلیغیندان دونن وئریلن آچیلامادا، ایراندان الکتریک اوره‌تیمی اوچون وارد ائدیله‌ن گاز میقدارینین تهران رهبرلیگی طرفین‌دن گونلوک ۴۹ میلیون‌دان ۸ میلیون مکعب متره دوشورولدوگو ایفاده ائدیلمیشدی.
