ایران: طالبانی تانیما آشاماسیندا دئییلیک
"بوتون طرفلری افغانیستاندا شدتدن اوزاق دورماغا، ثابتلیگیه و باریشا دوغرو گئتمهیه و افغانیستانین ائتنیک یاپیسینی عکس ائتدیرهن شفاف و حساب وئرهبیلن بیر حکومت قورماق اوچون بو فرصتدن ایستیفاده ائتمهیه چاغیریریق"
ایران خاریجی ایشلر باخانلیغی سؤزچوسو سعید خطیبزاده، اؤلکهسینین افغانیستاندا باش وئرهن سون حادثهلری دقتله ایزلهدیگینی و بوتون طرفلرله تماسدا اولدوغونو، آنجاق بو مرحلهده طالبانی رسماً تانیمایاجاقلارینی بیلدیردی.
ایرانین رسمی آژانسی ایرنانین خبرینه گؤره، خاریجی ایشلر باخانلیغی سؤزچوسو خطیبزاده، هفتهلیک مطبوعات توپلانتیسیندا تهرانین قونشو افغانیستاندا باش وئرهنلری یاخیندان ایزلهدیگینی سؤیلهدی. افغانیستانلیلار آراسیندا باریش دانیشیقلارینا قاتقی وئرمهیه حاضر اولدوقلارینی وورغولایان خطیبزاده،
"بوتون طرفلری افغانیستاندا شدتدن اوزاق دورماغا، ثابتلیگیه و باریشا دوغرو گئتمهیه و افغانیستانین ائتنیک یاپیسینی عکس ائتدیرهن شفاف و حساب وئرهبیلن بیر حکومت قورماق اوچون بو فرصتدن ایستیفاده ائتمهیه چاغیریریق" ایفادهلرینی ایشلتدی.
ایرانین افغانیستاندا کنترلو اله آلان طالبانی تانیییب تانیمایاجاغی سوالینا خطیبزاده بئله جاواب وئردی:
"حاضردا او مرحلهده دئییلیک. افغانیستانین گلهجک حکومتی ایله باغلی قرار وئرمک هله تئزدیر. افغانیستان خالقینین جانینی، مالینی و ناموسونو قوروماق، چئشیدلی افغانیستانلی قروپلاری آراسیندا هر طرفلی بیر دیالوگ یئریتمک و بو اؤلکهده احاطهلی بیر حکومتین قورولماسی بو گونکو اؤنجهلیگیمیزدیر".