الجزایر-ده مئشه یانغین لاری:42 اؤلو
الجزایر حکومتی اؤلکهدکی مئشه یانغینلاری ایله باغلی معلومات یاییب.
الجزایر حکومتی اؤلکهده باش وئرن مئشه یانغینلاریندا 25-ی عسگر 42 نفرین اؤلدوگونو آچیقلاییب.
باش ناظیر ایمن بن عبدالرحمن دؤولت تلویزیونونا وئردیگی بیاناتدا اؤلکهنین موختلیف بؤلگهلرینده داوام ائدن مئشه یانغینلاری حاقیندا معلومات وئریب.
او، یانغینلاردا 25 -ی عسگر اولماقلا 42 نفرین اؤلدوگونو سؤیلهییب.
الجزایر باش ناظیری همچنین آوروپا اؤلکهلریندن یانغینسؤندورمه اوچاق لارینین ایجارهسی اوچون دانیشیقلارین داوام ائتدیگینی ده بیلدیریب.
اؤلکهنین رسمی آژانسی "APS"-نین خبرینه گؤره، اؤلکهنین 17 ایالتینده 103 مئشه یانغینی قئیده آلینیب.
ایچ ایشلر ناظیری کامیل بیلجود یئرلی مطبوعاتا وئردیگی آچیقلامادا عینی واختدا باش وئرن یانغینلاردا "تخریبات" احتیمالینا دقت ائتدیکلرینی و آراشدیرما نتیجهسینده گوناهکارلارین اورتایا چیخاریلاجاغینی بیلدیریب.
قئید ائدک کی، الجزایر، سون گونلر گونئیدن گلن ایستی هاوا و گوجلو کولکلردن سونرا باشلایان مئشه یانغینلارینا معروض قالیر.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.