پاشینیان یئنی‌دن ارمنستانین باشباخانی اولدو
مهورباشقانی آرمن سارکیسیان، پاشینیانین باشباخان تعیین ائدیلمه‌سی حاقین‌دا فرمانی ایمضالادی
نیکول پاشینیان یئنی‌دن ارمنستانین باشباخانی اولدو.
ژوئنین ۲۰سینده گئچیریلن ارکن مجلس سئچیملرین‌دن سونرا، پاشینیان پارلماندا الده ائتدیگی ملت وکیللرینین اکثریتی ایله باش باخانلیغا نامیزد اولدو.
ارمنستان جمهورباشقانلیغینین وئردیگی آچیقلامایا گؤره، جمهورباشقانی آرمن سارکیسیان، پاشینیانین باشباخان تعیین ائدیلمه‌سی حاقین‌دا فرمانی ایمضالادی.
اؤلکه آنایاساسینا گؤره، باشباخان تعیین ائدیلدیک‌دن سونرا ۱۵ گون عرضین‌ده یئنی حکومت قورولمالی‌دیر.
ارکن پارلمان سئچیملرینین نهایی نتیجه‌لرینه گؤره، نیکول پاشینیانین سیویل سؤزلشمه پارتیسی اویلارینین یوزده ۵۳،۹۱ینی آلاراق بیرینجی اولموشدو.
گئچمیش جمهورباشقانی روبرت کؤچریانین "ارمنستان اتفاقی" یوزده ۲۱،۰۹ سس آلیرکن، اسکی جمهورباشقانی و باشباخان سئرژ سارکیسیانین دستکلدیگی "شرفیم وار اتفاقی" یوزده ۵،۲۲ اویلا پارلمانا گیرن اوچونجو پارتی اولدو.
بونا گؤره، سسیویل سؤزلشمه پارتیسی ۷۱، "ارمنستان اتفاقی" ۲۹، "شرفیم وار اتفاقی" دا ۷ یئره صاحب اولموشدو.
