افغانستاندا ایلین ایلک یاریسیندا ۶۵۹ وطنداش اؤلدو
ان چوخ جان ایتکیسی، خاریجی گوجلرین اؤلکه‌دن چکیلمه‌یه باشلادیغی می و ژوئن آیلارین‌دا اولدو
افغانستاندا ۲۰۲۱.جی ایلین ایلک یاریسیندا مین ۶۵۹ وطنداشین اؤلدوگو بیلدیریلدی.
بیرلشمیش ملتلر افغانستان کؤمک هیئتیندن (یوناما) وئریله‌ن آچیقلامادا، بو ایلین ایلک ۶ آیین‌دا ۳ مین ۲۵۴ وطنداشین ایسه یارالاندیغی ایفاده ائدیلدی.
وطنداش ایتکینلرین‌ده گئچه‌ن ایل عینی دؤوره گؤره یوزده ۴۷ آرتیش اولدوغو ایفاده ائدیله‌ن آچیقلامادا، بئله‌جه ۲۰۰۹.جو ایلده‌ن بو یانا وطنداش ایتکینلرین‌ده ان یوکسک سویه‌یه چیخیلدیغی بیلدیریلدی.
آچیقلامادا، ان چوخ جان ایتکیسینین خاریجی گوجلرین اؤلکه‌دن چکیلمه‌یه باشلادیغی می و ژوئن آیلارین‌دا اولدوغو، بو آیلاردا ۷۸۳ وطنداشین حیاتینی ایتیردیگی، مین ۶۰۹ وطنداشین یارالاندیغی وورغولاندی.
سالدیریلارین یوزده ۳۹وندان طالبان، یوزده ۹وندان داعش، یوزده ۲۵یندن حکومت یانلی‌سی قروپلار، یوزده ۱۶ین‌دان دیگر بیلینمه‌یه‌ن عنصورلار و گئری قالان قیسیمین‌دن ایسه امنیت گوجلرینین مسئول توتولدوغو آچیقلامادا، وطنداش ایتکینلرینین آرتماسینین قایغی وئریجی اولدوغو وورغولاندی.
افغانستاندا باریش سوره‌جی نامعین دورومونو قورویارکه‌ن گوونلیک گوجلری ایله طالبان آراسین‌داکی شدتلی چاتیشمالار داوام ائدیر.
آنادولو آژانسینین یئرلی مسئوللاردان الده ائتدیگی معلوماتا گؤره، طالبان ۴۰۷ ائلچه‌نین ۱۵۰دن چوخونو اله گئچرمیش. طالبان ایسه کنترلونداکی ائلچه مرکزی ساییسینین ۲۵۶ اولدوغونو ادعا ائدیر.
اؤلکه‌ده ۳۴ ولایت، مرکزی حکومت گوجلرینین کنترلوندادیر.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
