امریکا افغانیستان-دا "طالبان"ین موضع لرینه هاوا ضربه‌سی ائندیریب

امریکا اوردوسونون 21-22 جولای تاریخ‌لرینده افغانیستان-‌داکی "طالبان" هدف‌لرینه ان آزی 4 هاوا هوجومو تشکیل ائتدیگی ادعا ائدیلیب.

واشینگتن پست آدی‌نین آچیقلانماسینی ایستمه‌ین یئتکیلیلره اساسلاندیردیغی خبرینده افغان قوه‌لرینی دستکله‌مک اوچون امریکا قوه‌لری طرفیندن "طالبان"ا قارشی 21-22 جولای تاریخ‌لرینده 4 هاوا ضربه‌سی ائندیریلدیگی ایفاده ائدیلیب.

خبرده هوجوم‌لارین "طالبان" قروپلاشماسی‌نین گوجلو اولدوغو قندهار و کندز بؤلگه‌لرینده باش وئردیگی و هاوا دستکی طلبی‌نین افغان قوه‌لری طرفیندن ائدیلدیگی ایره‌لی سورولوب.

خبرده "طالبان" سؤزچوسونون هوجوم‌لارین داوام ائدن باریش موقاویله‌سی دانیشیق‌لاری‌نین شرط‌لرینی پوزدوغونو و "منفی نتیجه‌لره سبب اولاجاغینی" سؤیله‌دیگی بیلدیریلیب.

امریکا ساوونما ناظیرلیگی پنتاگونون بو هفته وئردیگی آچیقلامادا امریکا قوشون‌لاری‌نین افغانیستان‌دان چیخاریلماسی‌نین تقریباً 95 فایزی‌نین تاماملاندیغینی بیلدیریب. بیاناتدا تخمینن 650 امریکا عسگری‌نین یالنیز امریکا سفیرلیگینی و کابل‌ده‌کی اولوسلار آراسی هاوا لیمانینی ساوونماق اوچون اؤلکه‌ده قالاجاغی قئید ائدیلیب.

افغانیستان-دا باریش سوره جی غیری-معین اولا‌راق قالماقدا داوام ائدرکن، تهلوکه‌سیزلیک قوه‌لری ایله "طالبان" آراسیندا شدت‌لی قارشیدورما‌لار داوام ائدیر.

"طالبان" 407 قصبه‌نین 155-دن چوخونا، مرکزلری ده داخیل اولماقلا نظارتی اله کئچیریب. "طالبان" نظارتینده‌کی بؤلگه مرکزلرینین سایی‌نین 255 اولدوغونو ایره‌لی سورور.

اؤلکه‌دکی 34 ایالت مرکزی تامامیله دؤولتین نظارتینده‌دیر.