آذربایجان و روسیا پرزیدنت‌لری بولگه‌ده‌کی وضعیتی موذاکیره ائدیبلر
آذربایجان جمهوریتی‌نین پرزیدنتی ایلهام علی یئو روسیا فدراسیونونون پرزیدنتی ولادیمیر پوتین‌ین دعوتی ایله جولای‌ین 20-ده روسیایا ایشگوزار سفر ائدیب.
آذربایجان جمهوریتی‌نین پرزیدنتی ایلهام علی یئو روسیا فدراسیونونون پرزیدنتی ولادیمیر پوتین‌ین دعوتی ایله جولای‌ین 20-ده روسیایا ایشگوزار سفر ائدیب.
ایکی لیدر بیر آرایا گلدیک‌لری گؤروشون مطبوعاتا آچیق حیسه‌سینده آچیقلاما‌لار وئریب‌لر.
روسیا پرزیدنتی پوتین کوروناویروس‌دان سونرا روسیا و آذربایجان آراسیندا موناسیبت‌لرین، خصوصاً اقتصادی علاقه‌لرین برپا اولوندوغونو،حکومت لر کمیسیونون فعال ایشله‌یدیگینی، اورادا امکداش‌لیق ایستیقامت‌لری‌نین چوخ اولدوغونو دئییب.
پوتین بولگه‌ده وضعیتین نیظاملانماسی‌نین ان مهم مسئله‌لردن بیری اولاراق قالدیغینا دقت چکه‌رک دئییب: “البته، بیلیرم کی، سیز بو مسئله‌یه چوخ بؤیوک دقت و اهمیت وئریرسینیز. بونا گؤره سیزه تشککور ائتمک ایستییرم کی، اوزلاشماجی قرارلار تاپیلیر. اونلار همیشه ان مرکب مسئله‌لردیر، لاکین اگر بیز نیظاملاما ایستییریکسه، - بیز هامیمیز ایسه بونو ایستییریک، - اوندا بو یوللا گئتملییک. ایندییه قدر بیز بونو ائتمه‌یه نایل اولموشوق، بونا گؤره سیزه تشککور ائتمک ایستییرم”.
آذربایجان جمهوریتی‌نین پرزیدنتی ایلهام علی یئو ایلین بیرینجی یاری‌سیندا آذربایجان و روسیا آراسیندا امتهه دؤوریه‌سی‌نین آرتدیغینی بیل‌دیره‌رک دئییب کی، بو، چوخ واجیب‌دیر، چونکی کئچن ایل بیزده 10 فایزدن چوخ آزالما اولموشدو. نقلیات-ترانزیت موناسیبت‌لری مسئله‌سینده ده امکداش‌لیغی فعال صورتده گئنیشلن‌دیریریک.
بولگه ده موناقیشه‌دن سونراکی وضعیت مؤوضوع سو دا وار. بو مسئله‌یه دایمی دقتینیزه، چوخ واجیب و حساس مسئله‌لرین حلینده شخصاً ایشتیراکینیزا گؤره سیزه تشککورومو بیل‌دیرمک ایستردیم. بیز سیزینله دایم علاقه ساخلاییریق. حربی عملیات‌لار باشا چاتان‌دان سونرا اؤتن سککیز آی عرضینده، ظنیمجه، ژانویه آییندا موسکوادا شخصاً گؤروشوموز و تلفون صحبت‌لریمیز وضعیتین ثابیتلشدیریلمه‌سی ایشینده چوخ مهم رول اویناییب. بیز قطعیت ایله موناقیشه‌دن سونراکی دؤورون ماکسیموم آغری‌سیز کئچمه‌سی عزمیندییک. دوشونورم کی، عمومی سعی‌لریمیزله بونا نایل اولاجاغیق.
آذربایجان جمهوریتی‌نین پرزیدنتی ایلهام علی یئوین روسیایا سفری جولای‌ین 20-ده باشا چاتیب.
