روسیا قارا دنیز دونانماسی حربی مانور حیاتا کئچیردی

روسیانین قارا دنیز دونانماسی کراسنودار بؤلگه‌سینده اس-400 هاوا ساوونما سیستم‌لری‌نین ده ایستیفاده اولوندوغو حربی مانور رئاللاشدیریب.

دونانما‌دان وئریلن معلوماتا گؤره، بیرلیگه باغلی هاوا ساوونما بیرلیک لرینین قاراده‌نیز ساحلینده‌کی کراسنودار بؤلگه‌سینده حربی تعلیم حیاتا کئچیریب. مانورلرده 100 حربی پرسنل و 30 تجهیزات اولوب.

اس-400 و Pantsir-S هاوا ساوونما سیستم‌لری مانور پلانی اوزره ایستیقامت‌لنه‌رک سؤزده دوشمنه عایید هاوا هدف‌لرینی تثبیت و تعقیب عملیات‌لاری گئرچکلشدیریب، اونلاری محو ائتمک اوچون الکترونیک مرمی آتیش‌لاری رئاللاشدیریب.

قئید ائدک کی، روسیا اوردوسو سون زامان‌لار امریکا و اوکراینانین ائو صاحیب‌لیگی اولان و اکثریتی ناتو عضوو اؤلکه‌لری‌نین قاتیلدیغی "Sea Breeze 2021"  مانورینه قارشی‌لیق قارا دنیزده حربی فعالیت‌لرینی آرتیریب. 28 ژوئن‌ده

باشلایان و 10 جولایا قدر سوره‌جک "Sea Breeze 2021"  حربی تعلیمینه ناتو عضوو 30-دان چوخ اؤلکه قاتیلیب. مانورده 5 مین حربی پرسنل، 32 گمی، 40 هاوا واسیطه‌سی، 18 اوزه ل گوج لردن عبارت قروپ‌لار وار. سؤزوگئدن مانور 1997-جی ایلدن بری تشکیل ائدیلیر.