روحانی: تاریخیمیزده بیر دفعه اولمالی و تکرارلانمامالیدیر
"قاتیلیمین آشاغی اولدوغو شهرلرده دولانیشیق و حیات شرطلری داها یاخشیدیر"
ایران جمهورباشقانی حسن روحانی، ۱۸ ژوئنده‌کی سئچیملره قاتیلیمین یوزده ۴۸ اولماسینا کدرلندیکلرینی ایفاده ائد‌رک بونون بیر داها تکرارلانماماسی لازیم اولدوغونو سؤیله‌دی.
باشکند تهران‌داکی باخانلار قورولو ییغینجاغینین آردین‌دان دانیشان روحانی، ۱۳.جو جمهورباشقانلیغی سئچیملرینه قاتیلیم نیسبتی و آمریکا بیرلشمیش دؤولتلری تحریملری ایله باغلی دانیشدی.
سئچیملره قاتیلیمین یوزده ۵۸ یا دا ۶۸ دئییل ده ۴۸ اولماسینا کدرلندیگینی ایفاده ائد‌ن روحانی،
"یوزده ۴۸ قاتیلیم تاریخیمیزده بیر دفعه اولمالی‌دیر و تکرارلانمامالیدیر. سونراکی سئچیم‌ده بونو تلافی ائتمه‌لی‌ییک. سورون وارسا اونو تاپمالیییق. منجه پروبلئمین نه اولدوغو آچیق‌دیر" ایفاده‌لرینی ایشلتدی.
خالق آراسین‌دا فرق‌لی دوشونجه‌یه صاحب یوزده ۳۰ ایله ۵۰لیک بیر کسیمین یوخ ساییلدیغینی دیله گتیره‌ن روحانی،
"خالقین حیات شرطلری آغیرلاشدیغی اوچون اوی وئریلمه‌دی کیمی سببلر سیرالامایاق. سیستان وبلوچستان‌داکی خالقین پروبلئملری و چیله‌لری داها آغیردیر. آنجاق اورادا قاتیلیم داها یوکسک ایدی. قاتیلیمین آشاغی اولدوغو شهرلرده دولانیشیق و حیات شرطلری داها یاخشی. خاریج‌ده نیه قاتیلیم آز اولدو؟ اورادا دا می حیات شرطلری پیس ایدی؟" دئدی.
قاتیلیملا باغلی "اساس‌سیز سببلر اویدورولماماسینی" ایسته‌یه‌ن روحانی، اقتصادی پروبلئملر و یئنی نسیل کوروناویروس قدر نامیزدلیکلرین وتو ائدیلمه‌سینین ده بون‌دا تأثیرلی اولدوغونو سؤیله‌دی.
آمریکا ایله وینده مذاکره ماساسینا اوتورولدوغونو و اؤنملی مسئله‌لرین حل ائدیلدیگینی دئین روحانی،
"اگر ایستیرلرسه ایندی بو گون تحریملری سونا چاتدیرابیلریک. درحال ایندی عراقچییه (ایران مذاکیره هئیتی مسئولو) لازیم اولان صلاحیتلری وئرک و گئتسین آنلاشمانی بیر نئچه گون ایچینده نتیجه‌یه باغلاسین. بو شکیل‌ده تحریملر قالخسین" دئیه دانیشدی.
