آمریکا، ایرانین بعضی اینترنت سایتلارینا ال قویدو
"محکمه قرارلاری اساسیندا، ایران رادیو و تلویزیون بیرلیگی طرفین‌دن ایستیفاده ائدیله‌ن ۳۳ اینترنت سایتینا و کتائب حزب الله طرفین‌دن ایداره اولونان ۳ اینترنت سایتینا ال قویدوق"
آمریکا بیرلشمیش دؤولتلری عدالت باخانلیغی، آرالارین‌دا ایران دؤولت تلویزیونونا عاید عربجه و اینگیلیزجه یایینی اوللنلارین دا اولدوغو بعضی اینترنت سایتلارینا ال قویدوقلاری ادعاسینی تصدیقله‌دی.
باخانلیقدان وئریله‌ن یازی‌لی آچیقلامادا،
"محکمه قرارلاری اساسیندا، ایران رادیو و تلویزیون بیرلیگی طرفین‌دن ایستیفاده ائدیله‌ن ۳۳ اینترنت سایتینا و کتائب حزب الله طرفین‌دن ایداره اولونان ۳ اینترنت سایتینا آمریکا تحریملرینی دلدیکلری اوچون ال قویدوق" ایفاده‌سینه یئر وئریلدی.
آمریکا خاریجی وارلیقلاری قوروما افیسینین ۲۲ اکتبر ۲۰۲۰ده رادیو و تلویزیون بیرلیگینین سپاهین قدس گوجو طرفین‌دن ایداره اولوندوغو اوچون تحریم لیستینه آلدیغینا ایشاره ائدیله‌ن آچیقلامادا، بو لیست‌ده‌کی قوروم و قورولوشلارین اینترنت سایتی و اینترنت آلان آدی خیدمتلرین‌دن، آمریکا خاریجی وارلیقلاری قوروما افیسی لیسانسی اولمادیقجا فایدالانابیلمه‌یه‌جگی قید ائدیلدی.
آچیقلامادا ایران رادیو و تلویزیون بیرلیگینین تحریم لیستینه آلینما سببینین ده آمریکا سئچیملرینه باغلی یانلیش معلومات یایماق اولدوغو خاطیرلادیلاراق، ال قویولان ۳۳ اینترنت سایتینین آلان آدی آدرسلرینین آمریکا خاریجی وارلیقلاری قوروما افیسی تصدیق‌لی اولمادیغی ایفاده ائدیلدی.
کتائب حزب الله‌ین دا ۲ جولای ۲۰۰۹دا آمریکا خاریجی وارلیقلاری قوروما افیسی طرفین‌دن تحریم لیستینه آلیندیغینی و بو هؤرگوتون آمریکا خاریجی ایشلر باخانلیغی طرفین‌دن "ترور هؤرگوتو" اولاراق تانیندیغینین یازیلدیغی آچیقلامادا، بو هؤرگوتله باغلانتیسیندان اؤترو ال قویولان ۳ اینترنت سایتینین دا یئنه آمریکا خاریجی وارلیقلاری قوروما افیسی لیسانسینا صاحب اولمادیغی وورغولاندی.
ایرانین یاری رسمی فارس خبر آژانسیندا یاییملانان خبرده، دؤولت تلویزیونونا عاید اینگیلیزجه یایینلانان "پرس تی‌وی" و عربجه یایینلانان "العالم" ایله یمن‌ده‌کی حوثیلره عاید "المسیره" کاناللارینین اینترنت سایتلارینین دومینلرینه آمریکا طرفین‌دن ال قویولدوغو ادعا ائدیلمیشدی.
سؤز قونوسو سایتلارین گیریشین‌ده آمریکا فدرال سوروشدورما بیروسو (اف‌بی‌آی) ایله آمریکا تیجارت باخانلیغی صنایع و گوونلیک بیروسونون لوگولاری یئر آلیر و نوکلئر، بیولوژیک و تکنولوژیک قاچاقچی‌لیقلا باغلی قانونلارین اؤزلرینه "ال قویما" حاقینی وئردیگی ایفاده ائدیلیر.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
