طالبان بلخی اله گئچردی

طالبان میلیتانلاری، افغانستانین قوزئیینده‌کی ان بؤیوک شهرلردن مزار شریفین بلخ ائلچه‌سینی اله گئچردی.

بلخ ولایتی شورا باشقانی محمد افضل حدید، میلیتانلارین، دونن سحر ساعاتلارین‌دا بلخه سلاحلی سالدیری باشلاتدیغینی سؤیله‌دی.

سالدیری نتیجه‌سینده ائلچه مرکزینین کنترلونون طالبانین الینه گئچدیگینی ایفاده ائد‌ن حدید، میلیتانلارین شهرین گیریش قاپیسینا قدر یاخینلاشدیغینی و چاتیشمالارین داوام ائتدیگینی ایفاده ائتدی.

طالبان ایسه، بلخ ائلچه‌سینی تامامیله کنترل ائتدیکلرینی و مزار شریفه دوغرو سالدیریلارین داوام ائتدیگینی ادعا ائتدی.

طالبان میلیتانلاری، دونن سحر ساعاتلارین‌دا بلخ ویلایتینین دؤولت آباد، شولگره و کشنده وولوسوالی‌لرینین ایداره‌سینی اله گئچرمیشدی.

افغانستان ساوونما باخانلیغی بوگون یاییملادیغی بیلدیریده ایسه بلخین، دونن گئجه ساعاتلاریندا طالباندان گئری آلیندیغی بیلدیردی.