رئیسی، هر زامان انسان حاقلارینی ساووندوغونو ادعا ائتدی

ایرانین ۸.جی جمهورباشقانی اولاراق سئچیله‌ن رئیسی، باشکند تهران‌دا یئرلی و خاریجی ژورنالیستلرین ایشتیراکییلا تشکیل ائتدیگی مطبوعات کنفرانسین‌دا ایچ و دیش سیاستله باغلی دانیشدی

1662170
رئیسی، هر زامان انسان حاقلارینی ساووندوغونو ادعا ائتدی

ایران‌دا ۱۸ ژوئنده ائدیله‌ن جمهورباشقانلیغی سئچیملرینی قازانان محافظه‌کار ابراهیم رئیسی، اؤز حکومتین‌ده خاریجی سیاستین نوکلئر آنلاشما ایله محدود اولمایاجاغینی سؤیله‌دی.

ایرانین ۸.جی جمهورباشقانی اولاراق سئچیله‌ن رئیسی، باشکند تهران‌دا یئرلی و خاریجی ژورنالیستلرین ایشتیراکییلا تشکیل ائتدیگی مطبوعات کنفرانسین‌دا ایچ و دیش سیاستله باغلی دانیشدی.

آمریکا بیرلشمیش دؤولتلری باشقانی جو بایدن ایله گؤروشوب گؤروشمه‌یه‌جگی یولونداکی سوالا "یوخ" جاوابینی وئره‌ن رئیسی،

"بایئن، ندن اؤنجه‌کی حکومتلرین تعهدلارینا اویمور؟ آمریکا رهبرلیگینه جدی تکلیفیم تعهدلارینا دؤنمه‌سی و تحریملری قالدیرماسی‌دیر" دئیه دانیشدی.

خالقین دولانیشیق چتین‌لیگی و ایش ایمکانلارینین آرتیریلماسینین ایچ سیاست‌ده‌کی اؤنجه‌لیکلری اولاجاغینی دیله گتیره‌ن رئیسی،

"دونیا آرتیق یئنی شرطلرله قارشی قارشییادیر. سون سئچیمله بیرلیک‌ده ایران‌دا شرطلر دییشمیش‌دیر. ماکسیموم باسقی سیاستی باشاریلی اولابیلمه‌میش‌دیر. بو سیاستی یئنی‌دن گؤزدن گئچیرمه‌لری و بوندان دؤنمه‌لری لازیم‌دیر. خاریجی سیاستیمیز نوکلئر آنلاشما ایله باشلامایاجاق و نوکلئر آنلاشما ایله محدود قالمایاجاق" ایفاده‌لرینی ایشلتدی.

رئیسی، آمریکانین نوکلئر آنلاشمانی پوزدوغونو و آوروپا بیرلیگی اؤلکه‌لرینین تعهدلارینا اویمادیغینی ایفاده ائد‌رک، چیهارلارینی تامین ائد‌ن هر مذاکره‌یه دستک وئره‌جکلرینی سؤیله‌دی.

وینده‌کی مذاکره هئیتینین گلیشمه‌لرله باغلی اؤزونه راپور سوندوغونو بیلدیر‌ن رئیسی، خاریجی سیاست اکیبی ایله بونلاری دگرلندیردیگینی ایفاده ائتدی.

ایرانین یئنی جمهورباشقانی،

"قونشولارلا ایلیشکیلر حکومتیمیزین اؤنجه‌لیکلری آراسین‌دا اولاجاق. سعودی عربستان ایله ایلیشکی‌لرین قورولماسین‌دا و ائلچیلیکلرین آچیلماسین‌دا بیزیم طرفین‌دن هئچ بیر مانع یوخ‌دور" دئیه دانیشدی.

خاریجی مطبوعات‌دا اؤزویله باغلی ائدیله‌ن تنقیدلره ده جاواب وئره‌ن ابراهیم رئیسی، هر زامان انسان حاقلارینی مدافعه ائتدیگینی ادعا ائتدی.

رئیسی، چین ایله ایمضالانان ۲۵ ایللیک امکداش‌لیق آنلاشماسینی دا حیاتا گئچیره‌جکلرینی ایفاده ائد‌رک یورددیشینداکی ایران‌لیلاری اؤلکه‌یه سرمایه قویماغا چاغیردی.



ایلگیلی‌لی خبرلر