پوتین امریکا-لی ژورنالیسته موصاحیبه وئردی
روسیا پرزیدنتی ولادیمیر پوتین امریکانین ان بی سی تلویزیونونا موصاحیبه وئریب.
روسیا پرزیدنتی ولادیمیر پوتین امریکانین ان بی سی تلویزیونونا موصاحیبه وئریب.
"روسیا-امریکا موناسیبتلری سون ایللرده امریکا-داکی ایچ سیاسی موباریزهیه قوربان وئریلدی".
بونو روسیا پرزیدنتی ولادیمیر پوتین صاباح سوئیس-ین ژنو شهرینده امریکا پرزیدنتی جو بایدن ایله گؤروشوندن اول امریکانین ان بی سی کانالینا وئردیگی موصاحیبهده دئییب.
موصاحیبهسینده روسیا ایله امریکا آراسینداکی موناسیبتلره توخونان پوتین امریکا ایله بیر چوخ ساحهده چالیشماغا حاضیر اولدوقلارینی بیلدیریب:
"اولوسلار آراسی موناسیبتلرده ثابتلیک و مؤوضوع لاری پروقنازلاشدیرا بیلمک ان واجیب دیرلردیر. امریکالی طرفداشلاریمیز طرفیندن سون ایللرده بو بارهده هئچ بیر شئی گؤرمهدیک".
پوتین امریکانین روسیانی سئچکیلره موداخیله ائتمک و سیبر هوجوم تشکیل ائتمکده گوناهلاندیردیغینا دقت چکهرک،
"روسیا-امریکا موناسیبتلری سون ایللرده امریکا-دا ایچ سیاسی موباریزهیه قوربان وئریلدی" دئییب.
داها اول امریکا سیبر ساحهده بیرلیکده ایشلهمگی تکلیف ائتدیکلرینی خاطیرلادان پوتین امریکانین بو تکلیفی رد ائتدیگینی وورغولاییب.
ناتو-نون سیبر ساحهسینی "محاربه" بؤلگهسی اعلان ائتدیگینی وورغولایان پوتین بوندان روسیانین "ناراحات" اولدوغونو بیلدیریب.
چین-ین دؤردونجو طیاره گمیسینی اینشا ائتمک وضعیتینی قیمتلندیرن پوتین بونون روسیا اوچون تهلوکه یاراتمادیغینی سؤیلهییب.
پوتین امریکا-نین چین ایله موقاییسهده داها چوخ طیاره گمیسینه صاحیب اولدوغونا دقت چکیب.
روسیا-دا حبسده اولان موخالیفت لیدری آلکسی ناوالنی ایله علاقهلی تشکیلاتلارین اکسترمیست طرفداری اعلان ائدیلمهسی مسئلهسینه ده توخونان پوتین اؤلکهده "خاریجی جاسوس" قانونونون قوهیه میندیگینی خاطیرلادیب.
"بو، بیزیم ایجاد ائتدیگیمیز شئی دئییل. خاریجی جاسوس قانونو 1930-جو ایللرده امریکا-دا قبول ائدیلدی. بو قانون بیزیمکیندن داها سرتدیر. امریکانین ایچ سیاسی حیاتینا موداخیلهنین قارشیسینی آلماق مقصدی داشیییر. عمومیتله، بو قانونون دوغرو اولدوغونو دوشونورم" دئیه پوتین قئید ائدیب.