موصولدا ایکی توپلو مزار تاپیلدی
قوربانلارین ۲۰۱۴ده شهری اله گئچرهن ترور هؤرگوتو داعش منسوبلاری طرفیندن اؤلدورولدوکلری معین ائدیلدی
عراقین موصول ویلایتینده تخمیناً ۵۰۰ جسدین اولدوغو ایکی توپلو مزار تاپیلدی.
عراق شهید یاخینلاری قوروموندان ضیا کریم، مطبوعاتا وئردیگی آچیقلامادا، هر ایکی توپلو مزارین موصول ویلایتینین باتیسینداکی بادوش حبسخاناسی یاخینیندا معین ائدیلدیگینی سؤیلهدی.
توپلو مزارلاردا تخمیناً ۵۰۰ جسدین تاپیلدیغینی بیلدیرن کریم، قوربانلارین ۲۰۱۴ده شهری اله گئچرهن ترور هؤرگوتو داعش منسوبلاری طرفیندن اؤلدورولدوکلرینین معین ائدیلدیگینی ایفاده ائتدی.
اولوسلارآراسی یاردیم قورولوشلارینین دستگی ایله ۱۲۳ جسدین چیخاریلدیغینی دئین کریم، بنزر توپلو مزارلارین تلعفر و سینجار ائلچهسی یاخینلاریندا دا اولدوغونو ایفاده ائتدی.
موصول والیسی نجیم الجبوری، موصول چؤللرینده چوخ ساییدا توپلو مزارلارین اولدوغونو و بونلارین اورتایا چیخاریلماسی اوچون بیرلشمیش میللتلر و عراق حکومتینین مداخله ائتمهسینی ایستهدی.
بیرلشمیش میللتلرین ۵ نوامبر ۲۰۱۸ده یاییملادیغی راپوردا، عراقدا داها اؤنجه داعشین الینده توتدوغو بؤلگهلرده مینلرجه قوربانین قالیقلارینی اولدوغو ۲۰۰دن چوخ توپلو مزار تاپیلدیغی ایفاده ائدیلمیشدی.
داعشین ۲۰۱۴ ایله ۲۰۱۷ آراسیندا عراقدا گئنیش بیر ساحهنی اله گئچردیگی خاطیرلادیلان راپوردا، ترور هؤرگوتونون اولوسلارآراسی انسان حاقلارینی سیستماتیک اولاراق پوزدوغو، ساواش سوچلاری و انسانلیغا قارشی سوچلار ایشلدیگی، احتمالاً سویقیریم ائتدیگی وورغولانمیشدی.
ترور هؤرگوتو داعش، ۲۰۱۴ده عراقین موصول، صلاحالدین و انبار ویلایتلرینین هامیسی ایله دیاله و کرکوک ائللرینین بیر قسمینی اله گئچرمیش، سؤز قونوسو بؤلگهلر ایللر ایچینده هؤرگوتدن گئری آلینمیشدی.
دؤنمین باشباخانی حیدر العبادی، ۹ دسامبر ۲۰۱۷ده داعشه قارشی ظفر قازانیلدیغینی بیلدیرمیشدی.