قاتار قضاسیندا اؤلو ساییسی آرتدی

پاکستانین سند ایالتین‌ده دونن میدانا گلن قاتار قضاسین‌دا حیاتینی ایتیره‌نلرین ساییسی ۶۲ نفره یوکسلدی.

یئرلی مطبوعات‌داکی خبرلره گؤره، آختارما قورتارما چالیشمالاریندا ۱۱ نفرین داها جانسیز بد‌نینین تاپیلماسییلا قضادا حیاتینی ایتیره‌نلرین ساییسی ۶۲ اولدو.

قاتار قضاسی نتیجه‌سینده ۱۰۰ون اوزرین‌ده انسان یارالاندی. یارالیلاردان بعضیلرینین وضعیتی یاخشی دئییل.

اؤته یان‌دان، قضا یئرین‌ده اینجه‌له‌مه‌لر ائدن دمیریوللاری باخانی محمد اعظم خان سواتی، گنئیش بیر سوروشدورما یئریدیله‌جگینی ایفاده ائد‌رک سوروملولارین جزالاندیریلاجاغینی ایفاده ائتدی.

سند ایالتینین گهوتکی بؤلگه‌سین‌ده دونن سحر ساعاتلارین‌دا حرکت حالین‌داکی یولچو قاتارینین واگونو یئرین‌دن چیخاراق قارشی یولدان گلن باشقا بیر یولچو قاتارینا چارپمیشدی.