سلیمانی سوءقصدینده ایسرائیلین ده الی اولدوغو ادعا ائدیلدی
سوریهنین باشکندی دمشقدن عراقین باشکندی بغدادا گئچهن سلیمانینین اوچاغا مینمهدن ۶ ساعات اؤنجه تلفنونو اوچ دفعه دییشدیردیگی معین ائدیلدی
آمریکا سالدیریسیندا اؤلدورولهن ایرانلی ژنرال قاسم سلیمانییه قارشی سوءقصدده ایسرائیلین کیلید رول اوینادیغی ادعا ائدیلدی.
یاهوو نیوزون آمریکالی عسگری بیر یئتکیلییه دایاندیردیغی خبره گؤره، ایسرائیل، ۳ ژانویه۲۰۲۰ده آمریکا سالدیریسیندا اؤلدورولهن سلیمانینین ایستیفاده ائتدیگی اوچ تلفن نؤمرهسینی الده ائدرک بونلاری سوءقصددن ساعاتلار اؤنجه آمریکا استخباراتینا وئردیگی و سلیمانینین یئرینین معین ائدیلمهسینه ایمکان وئردی.
سوءقصد گئجهسی سوریهنین باشکندی دمشقدن عراقین باشکندی بغدادا گئچهن سلیمانینین اوچاغا مینمهدن ۶ ساعات اؤنجه تلفنونو اوچ دفعه دییشدیردیگینین معین ائدیلدیگینی بیلدیرن آمریکالی یئتکیلی،
"او سیرادا آمریکا مشترک اؤزل حرکت کوموتانلیغی ارتباط گؤرهولیلری، تل آویوده ایسرائیللی قونومداشلارییلا سلیمانینین جیب تلفنونو معین ائتمهیه چالیشیردی. سلیمانینین تلفن نؤمرهلرینی الده ائدن ایسرائیللیلر، بو بیلگینی آمریکالیلارا چاتدیردی" ایفادهلرینی ایشلتدی.
او سیرادا آمریکایا عاید ایکیسی سلاحلی اوچ اینسانسیز هاوا آراجینین بغداد هاوالیمانینین اوزرینده اوچماغا باشلادیغینی دئین آمریکالی یئتکیلی، هاوالیمانیندان بیر نئچه یوز متر اوزاقدا آمریکا کسکین نیشانچیلارینین هاوا سالدیریسینین باشاریسیز اولما احتیمالینا قارشی قونوشلاندیغینی بیلدیردی.
آمریکالی یئتکیلی، جیب تلفنو سیگناللاریندان ایرانلی ژنرالین بغدادا ائندیگی آیدین اولونجا دا، آراج قافلهسی یولا چیخدیغی سیرادا آمریکایا عاید هاوا آراجلاریندان سلیمانینین اولدوغو اتومبیله ایکی موشک آتیلدیغینی ایفاده ائتدی.
ایلگیلیلی خبرلر
غزه-ده اؤلنلرین سایی آرتیر
ایسراییل اوردوسونون غزه-یه هوجوملاری نتیجهسینده اؤلنلرین سایی آرتماقدا داوام ائدیر.