ایران-دا اؤتن گون کوروناویروسا 20 میندن چوخ یولوخما اولوب، 391 نفر اؤلوب

ایران-دا اؤتن گون عرضینده 391 نفر کوروناویروس‌دان (کووید-19) اؤلوب.

بونو ایرانین ساغلیق، معالیجه و طبی تحصیل ناظیرلیگی اعلان ائدیب.

بونونلا دا ایران-دا بو ویروس‌دان اؤلن‌لرین سایی 72 مین 875 نفره یوکسلیب.

اؤتن گون عرضینده 20 مین 732 نفر کوروناویروسا یولوخوب و یولوخان‌لارین عمومی سایی 2 میلیون 555 مین 587 نفره چاتیب. ویروس داشیییجیلاریندان‌ 5 مین 461 نفرین وضعیتی آغیر قیمتلندیریلیر.

ایران-دا ایندییه‌دک 2 میلیون 4 مین 949 نفر کوروناویروس‌دان ساغالیب، 16،2 میلیون‌دان چوخ تشخیص تستی حیاتا کئچیریلیب.

عمومی‌لیکده ایران-دا 1،25 میلیون واکسن وورولوب. بیرینجی مرحله اوزره واکسیناسیون اولونان‌لارین عمومی سایی 1،03 میلیون، ایکینجی مرحله اوزره واکسیناسیون اولونان‌لارین سایی ایسه 225 مین تشکیل ائدیر.

کوروناویروسا یولوخما اوزره 198 شهر قیرمیزی و 157 شهر نارینجی زونا حساب اولونور. قیرمیزی و نارینجی زونا حساب اولونان شهرلره گئدیش-گلیش قاداغان‌دیر. بوندان باشقا 74 شهر ساری، 9 شهر ایسه ماوی زونا حساب اولونور.