اسرائیلده ازدحام: ۴۴ اؤلو
حادثهده آغیر یارالانانلار اولدوغو معلوماتی اوزرینه بؤلگهیه ۶ آمبولانس هلیکوپتر و چوخ ساییدا ساغلیق اکیبی گؤندریلدی
اسرائیلده، لاگ بعومر بایرامینین قوتلاندیغی میدانداکی ازدحام سببیله ۴۴ نفر حیاتینی ایتیردی، ۱۰۳ نفر یارالاندی.
مرون داغینداکی قوتلامالار سیراسیندا، گئجه یاریسیندان سونرا سببی بیلینمهیهن ازدحام میدانا گلدی.
حادثهده آغیر یارالانانلار اولدوغو معلوماتی اوزرینه بؤلگهیه ۶ آمبولانس هلیکوپتر و چوخ ساییدا ساغلیق اکیبی گؤندریلدی.
باشباخان بنیامین نتانیاهو، توئیتردن یاییملادیغی مئساژدا، حادثهنین "آغیر فاجعه" اولدوغونو و یارالیلارین یاخشیلاشماسی اوچون دعا ائتدیکلرینی دیله گتیردی.
جروزالم پست قزئتینده یئر آلان خبرده ایسه ازدحامدا ۴۴ نفرین حیاتینی ایتیردیگی، ۱۰۳ نفرین یارالاندیغی، یارالیلاردان ۴۴ونون وضعیتینین آغیر اولدوغو ایفاده ائدیلدی.
آیریجا، بؤلگهده بیر صحرا خستهخاناسی قورولدوغو، تلفن شبکهلرینده پروبلئم یاشاندیغی دیله گتیریلدی.
اسرائیل پلیسینین مرون داغینداکی ازدحاما باغلی سوروشدورما باشلاتدیغی دا قید ائدیلدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب