دؤرد پ.کا.کا-لی ترورچوسو داها محو ائدیلیب
عراق-ین قوزیی ینده حیاتا کئچیریلن "پنجه-ایلدیریم" عملیاتی نتیجه سینده دؤرد پ.کا.کا ترورچوسو ضررسیزلشدیریلیب.
عراق-ین قوزییینده حیاتا کئچیریلن "پنجه-ایلدیریم" عملیاتی نتیجه سینده دؤرد پ.کا.کا ترورچوسو ضررسیزلشدیریلیب.
تورکیه-نین میللی ساوونما ناظیرلیگینین یایدیغی بیاناتدا عراق-ین قوزیی ینده کی متینا و آواشین-باسیان بؤلگه لرینده حیاتا کئچیریلن "پنجه-شیمشک"’ و "پنجه-ایلدیریم" عملیاتلارینین پلانلاشدیریلمیش شکیلده داوام ائتدیریلدیگی بیلدیریلیب.
بیاناتدا همچنین آواشین-باسیان بؤلگه لرینده حیاتا کئچیریلن "پنجه-ایلدیریم" عملیاتی زامانی شهید اولان حربچینین قانینین یئرده قالمادیغی، شهیدین هوجوما معروض قالدیغی بؤلگهده تثبیت ائدیلن بیر پ.کا.کا ترورچوسونون ضررسیزلشدیریلدیگی وورغولانیب.
بیاناتدا "پنجه-ایلدیریم" عملیاتی نتیجه سینده بیر ماغارایا سیغینان اوچ پ.کا.کا ترورچوسونون دا ضررسیزلشدیریلدیگی بیلدیریلیب.
بئللیکله "پنجه-شیمشک" و "پنجه-ایلدیریم" عملیاتلاری نتیجه سینده ایندییهدک ضررسیزلشدیریلن ترورچولارین سایینین 37-یه چاتدیغی بیلدیریلیب.