دیاب:"لوبنان تامامیله چؤکمه عرفهسیندهدیر"
لوبنان-ین باش ناظیری اؤلکهسینین تامامیله چؤکمه عرفه سینده اولدوغونو بیلدیریب.
لوبنان-ین باش ناظیری حسن دیاب اؤلکهسینین تامامیله چؤکمه عرفهسینده اولدوغونو دئییب.
لوبنان خبر آژانسینین معلوماتینا گؤره، قطر سفری زامانی اؤلکهسینین دوحه-دهکی سفیرلیگینه گئدن دیاب بورادا آچیقلاما وئریب.
دیاب "لوبنان تامامیله چؤکمه عرفهسیندهدیر" دئیهرک، حکومتینین 9 آی اول استعفا وئردیگینی، آنجاق مانعهلر سببیندن هله ده یئنی حکومتین قورولمادیغینی دقته چاتدیریب.
اؤلکهسینین قارانلیق بیر تونلدن کئچدیگینی وورغولایان دیاب بیلدیریب کی، مسئله قارانلیغین یالنیز الکتریک انرژیسینین کسیلمهسی ایله باغلی دئییل، لوبنان-لیلار گوندهلیک احتیاجلارینی اؤدمکده بؤیوک چتینلیک چکیرلر.
قطر سفرینه گلینجه، دیاب قطرین بوتون سئونلرینه اورک آچدیغینی و قطرلیلرین لوبنان و لوبنان-لیلارا قارشی خصوصی بیر سئوگی بسلهدیگینی بیلدیریب.
فرقلی دین و مذهبلره سؤیکنن سیاسی بؤلگولر باخیمیندان اولدوقجا کؤورک بیر قورولوشا صاحیب اولان لوبنان اقتصادیاتی 1975-1990-جی ایللردکی وطنداش محاربهسیندن بری ان بؤیوک بحرانی یاشاییر.
مرکزی بانک قیمتی ثابت ساخلاسا دا یئرلی پول واحیدی لوبنان لیراسی اوجوزلاشدیغیندان بانکلاردا و قارا بازاردا فرقلی قیمتلره ساتیلیر.
دولارلا ساتیلان یاناجاق مادهسی تداروکوندکی چتینلیکلر سببیندن اؤلکهده اوزون مودتلی الکتریک کسینتیلری ده باش وئریر.
ایلگیلیلی خبرلر
موسکواداکی سالدیریدا اؤلو ساییسی آرتدی
موسکواداکی ترور سالدیریسیندا حیاتینی ایتیرهنلرین ساییسی ۱۴۴ نفره چیخدی