روحانی: ایسته‌سک زنگینلشدیره‌بیلریک
روحانی، آمریکا و آوروپا بیرلیگی اؤلکه‌لرینین اورانیومو یوزده ۶۰ صافلیقدا زنگینلشدیریلمسی ایله باغلی "قایغیلی" اولدوقلاری یولونداکی آچیقلامالارینی تنقید ائتدی
ایران جمهورباشقانی حسن روحانی، اورانیومو یوزده ۹۰ صافلیقدا دا زنگینلشدیره‌بیله‌جکلرینی آنجاق اتم بومباسی آرخاسین‌دا اولمادیقلارینی سؤیله‌دی.
اؤلکه‌نین مختلیف یئرلرین‌ده‌کی پتروشیمی پروژه‌لرین آچیلیش مراسیمینه ویدئو کنفرانس یولویلا قاتیلان روحانی، آمریکا و آوروپا بیرلیگی اؤلکه‌لرینین اورانیومو یوزده ۶۰ صافلیقدا زنگینلشدیریلمسی ایله باغلی "قایغیلی" اولدوقلاری یولونداکی آچیقلامالارینی تنقید ائتدی.
روحانی،
"داها اؤنجه ده یوزده ۶۰ صافلیقدا اورانیوم اوره‌ته‌بیلردیک. بعضیلری یوزده ۶۰دان بیر آددیملا یوزده ۹۰آ چیخاریلابیله‌جگی یورومو وئریر. سیزه گؤره، اتم بومباسی اوره‌تمک اوچون حاضیرلیق ایچینده‌ییک. بو یانلیشدیر. ایسته‌سک اورانیومو یوزده ۹۰ صافلیقدا دا زنگینلشدیره بیلریک آنجاق سؤزوموزده دوروروق و اتم بومباسی آرخاسین‌دا دئییلیک" ایفاده‌لرینی ایشلتدی.
طرفلرین نوکلئر آنلاشماداکی تعهدلارینا دؤنمه‌سی حالین‌دا اورانیوم زنگینلشدیرمه نیسبتینین یوزده ۳،۶۷د‌ن چوخ اولمایاجاغینی بیلدیرن روحانی،
"ایللردیر اتم بومباسی آرخاسین‌دا اولان سیزسینیز و اونو توپلادینیز. هر ایل یئنی بومبالار اوره‌تیرسینیز" دئیه دانیشدی.
ایران خاریجی ایشلر باخان کؤمکچیسی عباس عراقچی، ۱۳ آوریل‌ده وئردیگی آچیقلامادا اولوسلارآراسی اتم انرژیسی آژانسی باشقانی رافائل ماریانو گروسییه بیر مکتوب یازاراق، اؤلکه‌سینین یوزده ۶۰ صافلیقدا اورانیوم زنگینلشدیرمه ایشلرینه باشلادیغینی بیلدیرمیشدی.
اینگیلتره، فرانسا و آلمانیا، یوزده ۶۰ صافلیقدا اورانیوم زنگینلشدیرجگینی بیلدیرن ایرانی، "سوره‌جی داها چوخ قاریشیق حالا گتیرمه‌مه‌یه" چاغیرمیشدی.
