ولادیمیر زلئنسکی ولادیمیر پوتین ایله گوروشمک ایستهدیگینی بیلدیریب
اوکراینا پرزیدنتی ولادیمیر زلنسکی اؤلکهنین دوغوسوندا گرگینلشن وضعیتله باغلی دانیشیقلار آپارماق اوچون روسیا پرزیدنتی ولادیمیر پوتینه مراجعت ائدیب.
"اوکراینا پرزیدنتی ولادیمیر زلنسکی اؤلکهنین دوغوسوندا گرگینلشن وضعیتله باغلی دانیشیقلار آپارماق اوچون روسیا پرزیدنتی ولادیمیر پوتینه مراجعت ائدیب".
بونو اوکراینا پرزیدنتینین مطبوعات کاتیبی یولیا مندل دئییب.
یولیا مندل بیلدیریب کی، پرزیدنتین اوفیسی ولادیمیر پوتینله دانیشیق آپارماق اوچون مراجعت ائدیب. هله بیر جاواب آلمامیشیق. اومید ائدیریک کی، بو، دیالوگدان ایمتینا دئییل.
او قئید ائدیب کی، کی، روسیا اوکراینانین دوغو سرحدینه 40 مین، قیریما ایسه 40 میندن چوخ حربچی یئرلشدیریب.
مطبوعات کاتیبی ولادیمیر زلنسکینین دونباس-دا گرگینلشن وضعیتله باغلی دانیشیقلار آپارماق اوچون پاریسه سفر ائدجگینی ده بیلدیریب.
اوکراینانین باش قرارگاه رئیسی روسلان هومچاک 30 مارسدا پارلامئنتدکی چیخیشیندا روسیانین تعلیم بهانهسی ایله اوکراینا سرحدلری یاخینلیغینا قوشون گؤندردیگینی بیلدیرمیشدی.
دونباس بؤلگهسیندهکی بحرانین حلی ایله علاقهدار اولاراق روسیا، اوکراینا و آوروپادا تهلوکهسیزلیک و امکداشلیق تشکیلاتیندان عبارت اوچلو تماس قروپو 27 ژوئیه 2020-جی ایلده هرطرفلی آتشکس قراری قبول ائتمیشدی.
بؤلگهده دیرناقاراسی موستقیللیگینی اعلان ائدن روسیاپرست بولوجولر ایله کیئو رهبرلیگی آراسیندا 2014-جو ایلدن اعتبارا داوام ائدن قارشیدورمالار نتیجه سینده 13 میندن چوخ آدام حیاتینی ایتیریب.