پسکوو:"اوکراینانین ناتو-یا عضولوگو یالنیز دونباس-داکی وضعیتی پیسلشدیره بیلر"
روسیا پرزیدنتینین مطبوعات کاتیبی دمیتری پسکوو اوکراینانین ناتو-یا عضولوگونون یالنیز دونباس-داکی وضعیتی پیسلشدیره بیله جگینه دایر خبردارلیق ائدیب.
روسیا پرزیدنتینین مطبوعات کاتیبی دمیتری پسکوو اوکراینانین ناتو-یا عضولوگونون یالنیز دونباس-داکی وضعیتی پیسلشدیره بیله جگینه دایر خبردارلیق ائدیب.
ناتو باش کاتیبی ینس استولتنبرگ ایله گؤروشوندن سونرا "اؤلکهسینین دوغوسوندا حربی سادهجه ناتو عضولوگونون سونا چاتدیرا بیلهجگینی" سؤیلهین اوکراینا لیدری ولادیمیر زلنسکینین همین آچیقلاماسی کرملین سؤزچوسو دمیتری پسکووا سوال ائدیلیب.
پسکوو "بونون اوکراینانین ایچ پروبلئمی ایله موباریزهسینه هر هانسی شکیلده کؤمک ائدجگینه شوبهه ائدیریک. بیزیم نقطهی-نظریمیزدن بو، مؤوجود وضعیتی اولدوغوندان داها دا پیسلشدیرر"دئیه جاواب وئریب.
دیگر طرفدن، روسیانین ساوونما ناظیری سئرگی شایگو روسیا سلاحلی قوهلرینده دؤیوش حاضیرلیغینین یوخلانیلماسینا باشلانیلدیغینی بیلدیریب.
اوکراینانین گونئی-دوغوسونداکی دونباس بؤلگهسینده گرگینلیک سرعتله آرتارکن روسیا حربی رهبرلیگی اؤلکهدکی بوتون بؤلگهلرده دؤیوش حاضیرلیغینین یوخلانیلماسینا باشلانیلماسینا قرار وئریلیب.
بو بارهده روسیانین ساوونما ناظیری ژنرال سئرگی شایگو موشاویرهده بیلدیریب.
اونون سؤزلرینه گؤره، قوشونلار تاکتیکی، تاکتیکی-خصوصی و ایکی طرفلی تعلیملر اوچون پولیقوندادیرلار.
معلوماتا گؤره، آوریل آیی عرضینده 4048 موختلیف میقیاسلی تعلیم کئچیریلهجک.
بیلدیریلیب کی، تعلیملر بوتون حربی دایرهلری، عینی زاماندا، کوریل آدالارینی، اوزاق قوزیی بؤلگهسی و کامچاتکانی احاته ائدیر.