ی.پ.گ/پ.کا.کا حسکه شهرینده سیویل لرین ائولرینی اللریندن آلیب

ترور تشکیلاتی ی.پ.گ/پ.کا.کا سوریه-نین قوزیی دوغوسوندا ایشغال ائتدیگی حسکه شهر مرکزینده امریکا گوجلرینین طلبیله تقریباً 1500 سیویل وطنداشین ائولرینی بوشالدیب و اللریندن آلیب.

یئرلی قایناق‌لاردان الده ائدیلن معلوماتا گؤره، ی.پ.گ/پ.کا.کا حسکه شهر مرکزینده‌کی دیرناقاراسی قرارگاه‌لارینین یئرلشدیگی ایدمان کومپلکسی بؤلگه‌سینده‌کی ترور فعالیت‌لرینی گیزلتمک اوچون اراضینی مولکی شخص‌لردن تمیزلییر.

امریکا گوجلریندن بونونلا باغلی تعلیمات آلان ی.پ.گ/پ.کا.کا-لی ترورچولار تهلوکه‌سیزلیک سبب‌لرینی ایره‌لی سوره‌رک مولکی شخص‌لره مخصوص 15 بینانی مصا‌دیره ائدیب. سؤزوگئدن ائولر حسکه شهر مرکزینده امریکا گوجلری و ی.پ.گ/پ.کا.کا-نین ایستیفاده ائتدیگی بینا‌لارین یاخینلیغیندا یئرلشیر.

ترورچولار ائولرینی ترک ائتمک ایستمه‌ین و تشکیلاتین ایستک‌لرینه مقاومت گؤسترن مولکی شخص‌لره آتش ائده‌رک قورخودوب.

ی.پ.گ/پ.کا.کا وئردیگی تضمینات سوزونه باخمایا‌راق عدالت‌سیزلیگه معروض بوراخدیغی ائو صاحیب‌لرینه پول وئرمیر.

تخمینن 20 ایل اول اینشا ائدیلن بو بینا‌لارین هر بیری 5 مرتبه‌دن عبارت ایدی و تخلیه اولونموش منزیل‌لرده تخمینن 1500 سیویل شخص یاشاییردی.

ترور تشکیلاتی ی.پ.گ/پ.کا.کا حسکه شهر مرکزینین گونئی ینده‌کی ایدمان کومپلکسینی و سؤزده قرارگاهی و اورا‌داکی بعضی بینا‌لاردان امریکا قوه‌لری ایله بیرلیکده ایستیفاده ائدیر.