جواد ظریف:"جو بایدن ترامپین یولو ایله گئدیر"

ایرانین خاریجی ایشلر ناظیری محمد جواد ظریف امریکانین پرزیدنتی جو بایدنین سابیق باشچی دونالد ترامپین سیاستینی یوروتدوگونو بیلدیریب.

کلوب هاوس سوسیال شبکه‌سیندن امریکانین هر ایکی طرفین عینی زاماندا آددیم آتماسی تکلیفینی قبول ائتمه‌یه‌جک‌لرینی وورغولایان محمد جواد ظریف دئییب: "امریکالیلار 4 ایللیک تاریخی سیله بیلمزلر. اما بایدن ترامپین سیاستینی ایزلییر. ترامپین ائتدیگی، بایدنین ائتمه‌دیگی هئچ بیر شئی یوخ‌دور. عینی تضییق‌لر ایرانا قارشی داوام ائدیر. حالبوکی امریکا عهده ‌لیک‌لرینی یئرینه یئتیرمه‌لی‌دیر.

ایران چین ایله 25 ایللیک احاته‌لی امکداش‌لیق موقاویله‌سی ایمضالادی، بیر یول خریطه‌سی حاضیرلادی، اما طرف‌لر بیر-بیرینین قارشی‌سینا شرط‌لر قویمادی.

چین گله‌جکده دونیانین بؤیوک بیر گوجو اولا‌جاق. ایران-ین دا بو دؤولتله یاخشی علاقه‌لری اولما‌لی‌دیر. بونون دیگر اؤلکه‌لرله موناسیبت‌لری اینکیشاف ائتدیرمه‌یه مانعه‌سی یوخ‌دور.

آلمانیا و یا باشقا باتی اؤلکه‌سی ده ایستیرسه، 25 ایللیک امکداش‌لیق موقاویله‌سی ایمضالایا بیلریک".