پ‌کاکانین سیلاحلاری اله گئچیریلدی
شبهه‌لیلرین ایلک ایفاده‌لرین‌ده "سلاحلاری پ‌کاکا/پ‌ی‌د/ی‌پ‌گ بؤلوجو ترور هؤرگوتونه چاتدیرماق ایسترکه‌ن یاخالاندیقلارینی" دیله گتیردیکلری بیلدیریلدی
بؤلوجو ترور هؤرگوتو پ‌کاکانین سوریه قولو اولان پ‌ی‌د/ی‌پ‌گ‌نین، سوریه‌نین قوزئیینده سالدیریلاردا ایستیفاده ائتمک اوچون منبجه گتیرمه‌یه چالیشدیغی بؤیوک میقداردا سلاح و بومبا ماتریالی اله گئچیریلدی.
ایچ ایشلری باخانلیغیندان وئریلن آچیقلامادا، امنیت مودورلوگو استخبارات باشقانلیغی و ترورلا موباریزه باشقانلیغی ایش بیرلیگی ایله سوریه عملیات گوجونون اعزازد تشکیل ائتدیگی عملیات‌دا، تانک قاتیلی اولاراق بیلینه‌ن ۲ تاو موشکی، ۲۴ کالاشنیکوو پیادا توفنگی، بیر کسکین نشانجی توفنگی، ۲ دوشکا سلاحی لوله‌سی و ۲۰۰ آتشلمه کپسولونون اله گئچیریلدیگینی ایفاده ائد‌یلرک، تاو موشکلرینین سوریه‌نین قوزئیینی تروردان تمیزلمک آماجی ایله بؤلگه‌ده فعالیت گؤستره‌ن تورک سلاحلی گوجلرینه قارشی تئز تئز ایستیفاده ائدیلدیگی خاطیرلادیلدی.
عملیات‌دا ایکی سوریه‌لی شخصین یاخالاندیغی و شبهه‌لیلرین ایلک ایفاده‌لرین‌ده "سلاحلاری پ‌کاکا/پ‌ی‌د/ی‌پ‌گ بؤلوجو ترور هؤرگوتونه چاتدیرماق ایسترکه‌ن توتولدوقلارینی" دیله گتیردیکلری بیلدیریلدی.
ایچ ایشلری باخانی سلیمان سویلو دا عملیاتلا باغلی سوسیال مئدیا حسابین‌داکی پایلاشیمیندا عملیاتی حیاتا گئچیره‌ن گوونلیک گوجلرینی تبریک ائتدی.
