ی.پ.گ/پ.کا.کا فرانسیز میللت وکیل‌لرینین قاچقین دوشرگه‌سینه گیرمه‌سینه مانع اولوب

ترور تشکیلاتی ی.پ.گ/پ.کا.کا فرانسیز میللت وکیل‌لرینین سوریه-نین قوزیی دوغوسونداکی هول دوشرگه‌سینه گیرمه‌سینه ایجازه وئرمه‌ییب.

سولجو میللت وکیللری فردریک دوما، هوبرت ژولین-لافریره، سیلوی گیوم و مونیر ساتوری‌نین بیرگه آچیقلاماسیندا بلژیک، فینلاندیا، آلمانیا، اتریش و ایسپانیا نماینده هئیت‌لری‌نین سون هفته‌لرده هول دوشرگه‌سینی زیارت ائده بیلدیگینی، آنجاق اونلارین سوریه سرحدینی کئچدیک‌دن سونرا، ی.پ.گ/پ.کا.کا-نین نظارتینده ساخلادیغی دوشرگه‌یه گیرمه‌سینه مانع اولدوغو ایفاده ائدیلیب.

آچیقلامادا "بؤلگه‌ده آپاردیغیمیز گؤروش‌لر دوشرگه‌یه گیریشه انگل اولونماسی‌نین فرانسا صلاحیت‌لی‌لرینین بیرباشا تضییقیندن قایناقلاندیغینی تائید ائدیلیر" ایفاده‌سی یئر آلیب.

دوشرگه‌لرده اکثریتی فرانسیز اولان آوروپا‌لی‌لارین ساخلانیلدیغی و وضعیتین پیس اولدوغو وورغولانان آچیقلامادا دوشرگه‌لرده ساخلانیلان اوشاق‌لار اوچون عاجیل تدبیرلرین گؤرولمه‌سی‌نین واجیب‌لیگی وورغولانیب.