ایران‌دا اعتراض گؤستریسی: ۱۰ اؤلو
"سپاه گوجلری، هدف آلمادان آتیش ائتدی، مداخله سونوجو ان آز ۱۰ نفر اؤلدو"
ایران‌دا پاکیستان سرحدین‌ده‌کی سیستان و بلوچستان ایالتینه باغلی سراوان ائلچه‌سینده سپاهین نفت قاچاقچیلارینا قارشی مداخیله‌سی نتیجه‌سین‌ده ۱۰ نفر اؤلدو و ۵ نفر یارالاندی.
بلوچ آکتیویستلر هؤرگوتو باشقانی عبدالله عارف، دونن باش وئره‌ن حادثه ایله باغلی آنادولو آژانسینا آچیقلاما وئردی.
ایران-پاکیستان سرحدین‌ده ایکی گون‌دور گؤزله‌دیله‌ن نفت قاچاقچیلارینین آجلیق و سوسوزلوق سببی ایله پلیسدن قاپیلارین آچیلماسینی طلب ائتدیکلرینی بیلدیره‌ن عارف، "سرحد امنیت گوجلرینین قاپیلاری آچماسی اوزرینه قاچاقچیلار دونن، اعتراض گؤستریسی تشکیل ائتدی. سپاه گوجلری، هدف آلمادان آتیش ائتدی. مداخله سونوجو ان آز ۱۰ نفر اؤلدو، ۵ نفر ده یارالاندی" دئدی.
سراوان‌دا یوزلرجه اینسانین، حیاتینی ایتیره‌نلریم جنازه نامازی قیلماق اوچون بو گون سحر والیلیک بیناسی قارشیسین‌دا توپلاندیغینی ایفاده ائد‌ن عارف،
"جنازه نامازینا ایجازه وئریلمه‌مه‌سی ایله گؤستریچیلر، والیلیک بیناسینی تخریب ائتدی. سونرا گؤستریچیلر، سپاه بیناسینین قارشیسینا توپلاشاراق اعتراضا داوام ائتدیلر. امنیت گوجلرینین گؤستریچیلره مداخیله ائتدیگی، یارالیلارین و گؤزآلتینا آلینانلارین اولدوغو بیلدیریلیر" دئدی.
