گئچن ایل 3 میندن چوخ دینج وطنداش اؤلدو
حیاتینی ایتیرهنلرین یوزده ۴۳ونون اوشاق و قادین اولدوغو وورغولاندی
افغانیستاندا گئچهن ایل ۳۰۰۰دن چوخ دینج وطنداش اؤلدورولدو.
بیرلشمیش میللتلر تشکیلاتینین افغانیستانداکی یاردیم نمایندهلیگی (اوناما) طرفیندن وئریلن آچیقلامایا گؤره، افغانیستانداکی سالدیریلاردا گئچهن ایل ۳ مین ۳۵ مولکی وطنداش حیاتینی ایتیردی و ۵ مین ۷۸۵ مولکی وطنداش یارالاندی.
بو سالدیریلارین یوزده ۴۵ینین بیرباشا هدف آلیناراق ائدیلدیگینه دفت چکیلن آچیقلامادا، حیاتینی ایتیرهنلرین یوزده ۴۳ونون اوشاق و قادین اولدوغو وورغولاندی.
افغانیستانلیلار آراسی دانیشیقلارین ۱۲ سپتامبر ۲۰۲۰ده قطرین باشکندی دوحهده باشلاماسی ایله سالدیریلارین آرتدیغینا ایشاره ائدیلن آچیقلامادا، سالدیریلارین یوزده ۴۶سیندان طالبان، یوزده ۸یندن ترور هؤرگوتو داعش، یوزده ۲۴وندن ده دؤولت گوجلری سوروملو گؤرولدو.
اوناما-نین سون ۷ ایلدیر افغانیستاندا ایتکیلرله باغلی بیر راپور حاضیرلادیغی بیلدیریلن آچیقلاماسیندا، بو مدت عرضینده هر ایل اورتالاما ۳ میندن چوخ مولکی وطنداشین اؤلدویو قید ائدیلدی.
آچیقلامادا، ایتکیلرین قارشیسینی آلماق اوچون افغانیستاندا آتیشکس ایستهنیلدی.
اوناما-نین آچیقلاماسینی رد ائدن طالبان ایسه، جان ایتکیلرینین اساس سوچلولارینین اوستونو اؤرتمهیه چالیشیلدیغینی ادعا ائتدی.
طالبان، مولکی وطنداش ایتکیلرینین اکثریتینین خاریجی گوجلرین سالدیریلارینا گؤره اولدوغونو ادعا ائتدی.