آستانا پروسهسینین ضامین اؤلکهلری سوریه-ده کی سون وضعیتی موذاکیره ائدهجکلر
آستانا پروسهسینین ضامین اؤلکهلری تورکیه، ایران و روسیا سوریه-دهکی سون وضعیتی موذاکیره ائتمک اوچون 15-جی دفعه بیر آرایا گلهجک.
آستانا پروسهسینین ضامین اؤلکهلری تورکیه، ایران و روسیا سوریه-دهکی سون وضعیتی موذاکیره ائتمک اوچون 15-جی دفعه بیر آرایا گلهجک.
فوریه نین 16-دا روسیانین سوچی شهرینده باشلایاجاق و ایکی گون داوام ائدهجک سوریه مؤوضوعلو ییغینجاقدا ساحهدکی و سیاسی پروسه ایله باغلی سون وضعیتین موذاکیره اولونماسی بشار اسد رژیمینین باریشماز توتومو سببیندن ایرلیلییش الده ائده بیلمهین آنایاسا کومیتهسی دانیشیقلارینین عاقبتینین ده عمومیلیکده گوندمده اولاجاغی گؤزلهنیلیر.
سوریه مسئلهسی ایله باغلی آستانا پروسهسینین ضامینی اولان تورکیه، ایران و روسیا هئیتلرینین 16-17 فوریه تاریخلرینده روسیانین سوچی شهرینده کئچیریلهجکلری ایجلاس سوئیس-ین ژنو شهرینده 29 ژانویه ده سونا چاتان، آنجاق بمت-نین سوریه اوزره نومایندهسی یر پدرسونون سؤزلری ایله، "نتیجهسی پوچا چیخان" سوریه آنایاسا کومیتهسینین 5-جی تورونون کؤلگهسینده کئچیریلهجک.
قئید ائدک کی، کومیتهنین سون ایجلاسیندا موخالیفلرین یاپیجی، رژیمین ایسه پروسهنین ایرهلیلمهسینه قارشی توتومو اؤن پلانا چیخمیش، پدرسونون تقدیم ائتدیگی تکلیفلری موخالیفتین قبول ائتدیگینی، آنجاق رژیمین رد ائتدیگینی بیلدیرهرک، وضعیت دییشمهیهجگی تقدیرده کومیته ایجلاسلارینین داوام ائتدیریله بیلمهیهجگینی سؤیلهمیشدی.