سوءقصدی ایران اوردوسونون عضوو حاضیرلامیش
"سوءقصدی حاضرلایان شخص سلاح‌لی قوه‌لرین عضوو اولدوغو اوچون سوءقصدین قارشی‌سینی آلابیلمه‌دیک"
ایران اطلاعات باخانی محمود علوی، نوکلئر بیلیمچی محسن فخری‌زاده سوءقصدینی ایران اوردوسون‌دان بیر نفرین حاضیرلادیغینی سؤیله‌دی.
علوی، دؤولت تلویزیونوندا قاتیلدیغی بیر وئریلیش‌ده، ۲۷ نوامبردا تهران یاخینلیغین‌دا اؤلدوروله‌ن ساوونما باخانی یاردیمچیسی و نوکلئر بیلیمچی فخری‌زاده سوءقصدی ایله باغلی اولاراق، حادثه‌دن ایکی آی اؤنجه سالدیرینین اولدوغو بؤلگه‌ده سوءقصد اولابیله‌جگینه دایر اطلاعاتی سلاح‌لی قوه‌لرله پایلاشدیقلارینی آنجاق لازم تدبیرلرین گؤرولمه‌دیگینی بیلدیردی.
علوی،
"شهید فخری‌زاده‌نین سوءقصدیندن بئش گون قاباق عملیاتین یئرینی بیلیردیک، آنجاق سوءقصدی حاضرلایان شخص سلاح‌لی قوه‌لرین عضوو اولدوغو اوچون سوءقصدین قارشی‌سینی آلابیلمه‌دیک" دئدی.
اطلاعات باخانلیغینین یالنیز سوءقصدین واختینی تخمین ائده‌بیلمه‌دیگینی ایفاده ائد‌ن علوی،
"سلاح‌لی قوه‌لر ساحه‌سین‌ده استخبارات فعالیتی آپارا بیلمریک. بونا گؤره سوءقصد اطلاعاتی ایله باغلی ایکی قوروم آراسیندا ایش بیرلیگی تامین ائتمک اوچون اونلاردان بیر نماینده ایسته‌دیک. تأسف کی، سلاح‌لی قوه‌لر بیزه بیر نماینده گؤندرمه‌دن فخری‌زاده اؤلدورولدو" دئیه دانیشدی.
ایران‌لی باخان سؤزوگئدن اوردو عضوون عاقبتی حاقیندا بیلگی وئرمه‌دی، آنجاق مسئوللار سوءقصد شوبهه‌لی‌سی بیر شخصین حادثه‌دن بیر نئچه گون اؤنجه اؤلکه‌نی ترک ائتدیگینی آچیقلامیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
