ایران‌دان تهدید: یئرله بیر ائدریک
"نوکلئر سلاح اورتمک، الده ائتمک و یا ایستیفاده ائتمک دئیه بیر بؤلوموموز یوخ"
ایران، اسرائیل طرفیندن تشکیل ائدیله‌جک هر هانسی بیر سالدیریدا تل‌آویو و حیفانی ووراماقلا تهدید ائتدی.
ایران دؤولت تلویزیونو، باش قرارگاه سؤزچوسو ابوالفضل شکارچی‌نین اسرائیل باش قرارگاه باشقانی آویو کوخاوی‌نین سالدیری تهدیدلرینه جاواب وئردیگینی آچیقلادی.
اسرائیل‌ین تهدیدلرینی "پسیکولوژیک ساواش" و یا "یانیلقی" اولاراق دگرلندیردیکلرینی ایفاده ائدن شکارچی،
"ان کیچیک خطالاریندا هم ایرانا سالدیری اوچون حاضیرلادیقلاری موشک مرکزلرینی ووراریق هم ده ممکن اولان ان قیسا مدت‌ده حیفا و تل‌آویوی ده یئرله بیر ائدریک" دئدی.
ایرانین نوکلئر پروگرامینین تامامیله باریشجیل اولدوغونو سؤیله‌یه‌ن شکارچی،
"بونو صهیونیست رژیم اوچون دئییل، بوتون دونیا اوچون سؤیله‌ییریک. هم آیت‌الله علی خامنه‌ای‌نین فتواسین‌دا هم ده ایرانین ساوونما دکترینین‌ده نوکلئر سلاح اورتمک، الده ائتمک و یا ایستیفاده ائتمک دئیه بیر بؤلوموموز یوخ" دئیه دانیشدی.
شکارچی، "ایرانی و تورپاقلارینی تأثیرلی شکیل‌ده مدافعه ائتمه گوجوموز وار" دئدی.
گئچن گون اسرائیل باش قرارگاه باشقانی کوخاوی بیر کنفرانس‌داکی چیخیشین‌دا، ایرانین نوکلئر پروگرامینین قارشی‌سینی آلماق اوچون اوردویا یئنی عملیات پلانلاری حاضیرلاما امری وئردیگینی آچیقلامیشدی.
