ظریف: ۶لی امکداش‌لیق پلاتفورمو قورماق ایسته‌ییریک

ظریف، آذربایجان جمهوریتینین باشکندی باکی‌دان سونرا ایکینجی اولاراق گئتدیگی روسیانین باشکندی موسکوادا ایران مئدیاسینا بیر آچیقلاما وئردی

1571367
ظریف: ۶لی امکداش‌لیق پلاتفورمو قورماق ایسته‌ییریک


ایران خاریجی ایشلر باخانی محمد جواد ظریف، قافقاز بؤلگه‌سین‌ده ۶لی بیر امکداش‌لیق پلاتفورمو یاراتماق ایسته‌دیکلرینی و بو آماجلا بؤلگه‌ده سفره چیخدیغینی سؤیله‌دی.
۶ اؤلکه‌نی قابسایان بؤلگه سفرینه چیخان ظریف، آذربایجان جمهوریتینین باشکندی باکی‌دان سونرا ایکینجی اولاراق گئتدیگی روسیانین باشکندی موسکوادا ایران مئدیاسینا بیر آچیقلاما وئردی.
دونن آذربایجان پرزیدنتی ایلهام علی‌یئو و دیگر آذربایجان مقاملاری ایله وئریم‌لی گؤروشمه‌لر گئچیردیکلرینی دیله گتیره‌ن ظریف،.
"بؤلگه‌ده ۶لی امکداش‌لیق پلاتفورمو قورماق ایسته‌ییریک. بو آماجلا قافقاز بؤلگه‌سین‌ده‌کی اؤلکه‌لره سفر ائدیریک" دئدی.
ظریف روسیا خاریجی ایشلر باخانی سرگئی لاوروولا گؤروشمه‌سین‌ده داغلیق قاراباغ، نوکلئر آنلاشما، سوریه، افغانیستان و یمن کیمی مسئله‌لری مذاکیره ائد‌جکلرینی بیلدیررک،
"(آمریکانین اسکی پرزیدنتی) دونالد ترامپین گئدیشی ایله اؤزل شرطلر یاراندی و روسیا ایله بو مؤوضوعداکی دوروشوموزو اویوم ایچین‌ده معین ائده‌جییک" دئیه دانیشدی.
ظریفین روسیادان سونرا ارمنیستان، گورجوستان و تورکیه‌یه سفر ائتمه‌سی گؤزلنیلیر.



ایلگیلی‌لی خبرلر