ظریف: هدف، بایدنی ایرانا قارشی توزاغا دوشورمک
ظریف تویتر حسابیندا پایلاشدیغی مئساژدا دونن بغدادداکی انتحار سالدیریلاری و نتانیاهونون بایدنی تبریک مئساژینداکی ایرانلا باغلی سؤزلرینه تپکی وئردی
ایران خاریجی ایشلر باخانی محمد جواد ظریف، عراقین باشکندی بغدادداکی سالدیریلار ایله ایسرائیل باشباخانی بنیامین نتانیاهونون آچیقلامالارینداکی اورتاق هدفین آمریکانین یئنی پرزیدنتی جو بایدنی ایرانا قارشی توزاغا دوشورمک اولدوغونو ادعا ائتدی.
ظریف تویتر حسابیندا پایلاشدیغی مئساژدا دونن بغدادداکی انتحار سالدیریلاری و نتانیاهونون بایدنی تبریک مئساژینداکی ایرانلا باغلی سؤزلرینه تپکی وئردی.
ایران خاریجی ایشلر باخانی،
"بغدادداکی تروریست سالدیریلار و نتانیاهونون ائتدیگی یالتاقلیقلارین هدفی آمریکادا بیر باشقانی داها تلهیه سالماق و بو شکیلده آمریکالیلارین جانینی و مالینی ایران قارشیدلیغی ایله هدر ائتمکدیر. نتانیاهونون آجیناجاقلی چارهسیزلیگینه باخمایاراق، ایرانا قارشی چیرکین پلانلار باشاریسیز اولاجاق" ایفادهلرینی ایشلتدی.
دونن بغدادین مرکزی طیران میدانیندا تشکیل ائدیلهن انتحار سالدیریلاریندا ۳۲ نفرین اؤلدویو و ۱۱۰ نفرین یارالاندیغی آچیقلانمیشدی.
ایسرائیل باشباخانی نتانیاهو، چرشنبه گونو آند ایچن آمریکا پرزیدنتی بایدنی تبریک مئساژیندا،
"آمریکا-ایسرائیل اتفاقینی داها دا گوجلهندیرمک، ایسرائیل ایله عرب دونیاسی آراسیندا باریشی گئنیشلهندیرمهیه داوام ائتمک و عمومی پروبلئملرله، خصوصاً ده ایرانین یاراتدیغی تهدیدله قارشیلاشماق اوچون سیزینله بیرلیکده چالیشماغی صبیرسیزلیکله گؤزلهییرم" ایفادهلرینه یئر وئرمیشدی.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب