پ‌کاکا، هول کمپین‌ده ۱۵ گون‌ده ۱۲ نفری اؤلدوردو

بیرلشمیش میلتلر تشکیلاتی، ترور هؤرگوتو ی‌پ‌گ/پ‌کاکانین هول کمپین‌ده ۱۵ گون‌ده ۱۲ نفرین اؤلدورولدوگونو بیلدیردی

1569331
پ‌کاکا، هول کمپین‌ده ۱۵ گون‌ده ۱۲ نفری اؤلدوردو

بیرلشمیش میلتلر تشکیلاتی، ترور هؤرگوتو ی‌پ‌گ/پ‌کاکانین کنترلونا بوراخیلان سوریه‌نین قوزئی دوغوسونداکی هول کمپین‌ده ۱۵ گون‌ده ۱۲ نفرین اؤلدورولدوگونو بیلدیردی.
بیرلشمیش میلتلر انسانی ایشلر اوفیسی سؤزچوسو ینس لارک، بیرلشمیش میلتلرین ژنو اوفیسین‌ده تشکیل ائدیله‌ن مطبوعات توپلانتی‌سین‌دا ۶۲ مین نفرین هله ده کمپ‌ده قالدیغینی بیلدیردی.
"هول سوریه‌ده‌کی سیغینماچیلار و اؤلکه ایچینده یئریندن ائدیلمیش انسانلارین قالدیغی ان بؤیوک کمپ‌دیر" دئین لارک، کمپ اهالی‌سینین یوزده ۸۰دن چوخونون انسانی یاردیم و قورونماق اوچون کمپه قاچان قادین و اوشاقلاردان اولوشدوغونو بیلدیردی.
لارک، هول کمپینده ۱-۱۶ ژانویه تاریخلرین‌ده ۱۲ سوریه‌لی و عراق‌لی‌نین اؤلدورولدویونه دایر بیرلشمیش میلتلرین بیلگیلر آلدیغینی سؤیله‌دی
لارک، کمپ‌ده‌کی جینایتلرین بیرلشمیش میلتلرین کمپ ساکینلرینه «ضروری انسانی یاردیملاری» چاتدیرماق اوچون بؤیوک تهلوکه یاراتدیغینی وورغولادی و سالدیریلارین کیم طرفین‌دن حیاتا گئچیریلدیگینه آچیق‌لیق گتیرمه‌دی.
"بو کمپی کیم کنترل ائدیر؟" سوالی اوزرینه لارک، "کمپ کورد بیرلیکلری طرفین‌دن کنترل ائدیلیر" دئدی.
ی‌پ‌گ/پ‌کاکانین هول قصبه‌سین‌ده ۲۰۱۷.جی ایلین آوریل آیین‌دا قوردوغو کمپ‌ده یاشانان انسانی دراما دایر بیر چوخ بیرلشمیش میلتلر راپورو یاییملاندی.
بیرلشمیش میلتلر مسئوللاری ی‌پ‌گ/پ‌کاکانین آدینی چکمه‌مک‌ده اصرارلی‌دیر. عمومیتله، کمپی کیمین کنترل ائتدیگینه دایر بیر آد وئریلمیر.



ایلگیلی‌لی خبرلر