یونانیستان ایون دنیزینده اراضی سولارینی 12 میله‌دک آرتیریب

یونانیستان پارلامئنتی اؤلکه‌نین اراضی سولاری‌نین ایون دنیزینده 6 میل‌دن 12 میلدک آرتماسینی نظرده توتان قانون لاییحه‌سینی تصدیقله‌ییب.

قانون لاییحه‌سی آچیق سسوئرمه نتیجه‌سینده تصدیقلنیب.

باش ناظیر کیریاکوس میچوتاکیس سسوئرمه‌دن اول ائتدیگی چیخیشیندا اؤلکه‌سی‌نین اراضی سولارینی گئنیشلندیرمه حقوقونا صاحیب اولدوغونو مودافعه ائدیب و بو مسئله ده اولوسلار آراسی حقوق و بیرلشمیش میللت‌لر تشکیلاتی‌نین (بمت) دنیز قانونو سوزلشمه‌سینه اویغون آدیم‌لار آتدیق‌لارینی ایره‌لی سوروب.

قئید ائدک کی، یونانیستان و ایتالیا 9 آوقوست تاریخینده ایون دنیزینده محدودیت‌لی اقتصادی زونا سرحدلرینین معینلشدیریلمه‌سینه دایر موقاویله ایمضالاییب‌لار.