ایران، ترامپی تحریم ائتدی
ایران خاریجی ایشلر باخانلیغی سؤزچوسو تحریم ائدیلن اینسانلارین "ایشله‌دیگی سوچلار" ایله باغلی قیسا مدت‌ده گئنیش بیر آچیقلاما وئریله‌جگینی بیلدیردی
ایران خاریجی ایشلر باخانلیغینین سؤزچوسو سعید خطیب‌زاده، آمریکا پرزیدنتی دونالد ترامپ و آمریکا دیش ایشلری باخانی مایک پومپئونون دا آرالاریندا اولدوغو ۹ آمریکالی یوکسک وظیفه‌لی یؤنتیجینی ایرانین تحریم لیستینه داخیل ائدیلدیینی آچیقلادی.
ایران خاریجی ایشلر باخانلیینین وئردیگی آچیقلامایا گؤره، آمریکا پرزیدنتی دونالد ترامپ، آمریکا دیش ایشلری باخانی مایک پومپئو، اسکی ساوونما باخانی مارک اسپر، ساوونما باخانی یاردیمچیسی کریستوفر میلر، خزانه باخانی استیون منوچین، سی‌آی‌ای رئیسی جینا هسپل، اسکی میلی تهلوکه‌سیزلیک مشاویری جان بولتون، آمریکانین ایران اسکی اؤزل نماینده‌سی بریان هوک، آمریکانین ونزوئلا و ایران اؤزل نماینده‌سی الیت ایبرامز بو گون‌دن اعتباراً ایرانین تحریم لیستینه علاوه ائدیلدی.
خطیب‌زاده آمریکانین یوکسک سویه‌لی یؤنتیجیلرینین "ایرانا و وطنداشلارینا قارشی ترور فعالیتلری و اینسان حاقلارینا قارشیدی گیریشیملرده اوینادیقلاری رول" ندنی ایله تحریم ائدیلدیگینی بیلدیردی.
سؤزوگئدن شخصلرین قاسم سلیمانییه سوءقصد امری وئردیگینی و ایرانا قارشی ترور فعالیتلری تشکیل ائتدیگینی بیلدیره‌ن خطیب‌زاده، بو اینسانلارین "ایشله‌دیگی سوچلار" ایله باغلی قیسا مدت‌ده گئنیش بیر آچیقلاما وئریله‌جگینی بیلدیردی.
