پمپئو ایرانی القاعده-نین یئنی مرکزی آدلاندیریب

امریکانین خاریجی ایشلر ناظیری مایک پمپئو ایرانی القاعده-نین یئنی مرکزی آدلاندیریب.

1562648
پمپئو ایرانی القاعده-نین یئنی مرکزی آدلاندیریب

"ایران القاعده ترور قروپلاشماسی اوچون یئنی بیر مرکزه چئوریلیب".

بو آچیقلامانی واشینگتن میللی مطبوعات کلوبوندا چیخیشی زامانی امریکانین خاریجی ایشلر ناظیری مایک پمپئو دئییب.

او بیلدیریب کی، حاضیردا تروریزمه ایسپونسورلوق ائدن ان بؤیوک اؤلکه اولان ایران ایسلام جمهوریتی ترور اورتاغی القاعده-نین مرکزینه چئوریلیب. "بو، جدی بیر تهلوکه یارا‌دیر. دئیردیم، ایران اصلینده القاعده-نین فعالیتی‌نین یئنی جغرافی مرکزی اولا‌راق یئنی افغانیستان اولوب، اما اصلینده وضعیت داها پیس‌دیر. القاعده-نین داغ‌لاردا گیزلندیگی افغانیستان‌دان فرق‌لی اولا‌راق، ایندی ایران رژیمی‌نین محکم پرده‌سی آلتیندا فعالیت گؤستریر".

دیپلومات علاوه ائدیب کی، القاعده-نین حاضیرکی لیدری ایمن الظواهری حاضیردا ایران-دا‌دیر.



ایلگیلی‌لی خبرلر