قاراباغ اوچلو گؤروشمهسی باشلادی
موسکوادا باشلایان گؤروشمه، علییئو و پاشینیانین قاراباغدا آتیشکس اولدوقدان سونرا ایلک اوز اوزه گؤروشمهسیدیر
روسیا پرزیدنتی ولادیمیر پوتین، آذربایجان پرزیدنتی ایلهام علییئو و ارمنیستان باشباخانی نیکول پاشینیان آراسیندا داغلیق قاراباغ گؤروشمهسی روسیانین باشکندی موسکوادا باشلادی.
پوتین، علییئو و پاشینیان آراسیندا روسیانین گیریشیمی ایله تشکیل ائدیلمیش داغلیق قاراباغ ایله باغلی آنلاشمالارین و بؤلگهدهکی وضعیتین مذاکیره ائدیلهجگی گؤروشمه، علییئو و پاشینیانین قاراباغدا آتیشکس اولدوقدان سونرا ایلک اوز اوزه گؤروشمهسیدیر.
گؤروشمهده داغلیق قاراباغلا باغلی اوچلو آنلاشمانین حیاتا گئچیریلمه پروسهسی و بؤلگهدهکی مؤوجود پروبلئملرین حلی اوچون آتیلابیلهجک آددیملار دانیشیلاجاق.
کرملینین آچیقلاماسینا گؤره، گؤروشمهده آیریجا بؤلگهدهکی چاتیشمالار نتیجهسینده ضرر گؤرهن خالقا یاردیم، تیجارت، اقتصاد و نقلیات باغلانتیلارینین آچیلماسی و گلیشدیریلمهسی مؤوضوعلاری دا مذاکیره ائدیلهجک.
اوچلو گؤروشمهدن سونرا پوتینین علییئو و پاشینیانلا آیری آیری گؤروشمهسی گؤزلنیر.
گؤروشمهنین باشیندا دانیشان پوتین، علییئو و پاشینیانا تشکر ائدرک روسیانین آراچیلیق چابالارینین بؤلگهده داواملی آتیشکسین تامین ائدیلمهسینه یؤنهلیک اولدوغونو سؤیلهدی.