آذربایجان، ارمنی باخانین داغلیق قاراباغا سفرینه اعتراض ائتدی
آذربایجان خاریجی ایشلر باخانلیغی، آرا آیوازیانین قاراباغا سفرینه تپکی گؤستردی
آذربایجان، ارمنیستانین خاریجی ایشلر باخانی آرا آیوازیانین داغلیق قاراباغا سفر ائدیب قوندارما ارمنی اداره‌چی‌لرله ایله گؤروشمه‌سینه تپکی وئردی.
آذربایجان خاریجی ایشلر باخانلیغی طرفین‌دن وئریله‌ن یازیلی آچیقلامادا آرا آیوازیانین سفری و داغلیق قاراباغ‌داکی بعضی آنلاشمالارین ایمضالانماسی روسیا، آذربایجان و ارمنیستان آراسین‌دا ۱۰ نوامبردا ایمضالانمیش اوچلو بیلدیری ایله ضدیت تشکیل ائتدیگی و چاتیشمالار بیتدیک‌دن سونرا بؤلگه‌ده باریش، تهلوکه‌سیزلیک و امکداش‌لیق قورما گیریشیملرینه اویمادیغی بیلدیریلدی.
آچیقلامادا۱۰ نوامبرداکی بیلدیریده ارمنیستان باشباخانی نیکول پاشینیانین ایمضاسینین دا اولدوغو خاطیرلاتیلاراق،
"ارمنیستان دؤولتی بونونلا باغلی تعهدلار وئرمیشدیر. ایروانین بو تعهدلارینی پوزماسی تخریباتدیر. ایچ سیاسیت اوچون ائدیلن بو جور حرکتلر بؤلگه‌ده‌کی وضعیتین نورماللاشماسینا خیدمت ائتمیر. ارمنیستان حاکمیتی اساس‌سیز فانتزیلرله حرکت ائتمه‌مه‌لی، بؤلگه‌ده‌کی یئنی گرچکلیگی قبول ائتمه‌لیدیر. اوچلو بیلدیرینین اویقولانماسینین تامین ائدیلمه‌سی و بؤلگه‌ده اولوشان یئنی گوونلیک شکلی و امکداش‌لیق ایمکانلارینا دایالی آددیملارین آتیلماسی باریش ایچینده بیر آرادا یاشاماغا قاتقی وئره‌بیلر. بونون ترسی، گرگین‌لیگی آرتیرما گیریشیمین‌دن باشقا بیر شئی دئییل" ایفاده‌لرینه یئر وئریلدی.
ارمنیستان خاریجی ایشلر باخانی آیوازیان دونن داغلیق قاراباغا گئده‌رک اوراداکی سؤزده اداره‌چی‌لرله گؤروشدو.
