ظریف، اؤلکه‌سینین شرطینی آچیقلادی
"آلدیغیمیز تدبیرلر بوتون طرفلرین تام تعهدو ایله دییشدیریله‌بیلر"
ایران خاریجی ایشلر باخانی محمد جواد ظریف، نوکلئر آنلاشما‌دا طرفلرین تعهدلارا صادق قالدیقلاری تقدیرده اورانیوم زنگینلشدیریلمه یولونداکی آددیملارین‌دان وازگئچه‌بیله‌جکلرینی سؤیله‌دی.
جواد ظریف تویترحسابین‌داکی آچیقلاماسین‌دا بو ایفاده‌لری ایشلتدی:
"مجلسیمیزین قبول ائتدیگی کیمی یئنی‌دن یوزده ۲۰ زنگینلشدیرمه‌یه باشلادیق. اولوسلارآراسی اتم انرژیسی آژانسی لازیم اولان شکیلده بیلگیلندیریلدی. بو فعالیتیمیز، بعضی برجام ایشتیراک‌چیلارینین ایللردیر تعهدلارینی یئرینه یئتیرمه‌مه‌سین‌دن سونرا جامع اورتاق فعالیت پلانینین ۳۶.جی بندینه تام اویغوندور. آلدیغیمیز تدبیرلر بوتون طرفلرین تام تعهدو ایله دییشدیریله‌بیلر".
ایران مطبوعاتی دونن فردو نوکلئر تاسیسین‌ده یوزده ۲۰ نیسبتینده اورانیوم زنگینلشدیرمه فعالیتینین رسمی اولاراق باشلادیغینی آچیقلادی.
پ۵ + ۱ اؤلکه‌لری ایله ایران آراسین‌داکی ۲۰۱۵ نوکلئر آنلاشما، تهرانا اورانیومو ان چوخ یوزده ۳.۶۷ نیسبتینده زنگینلشدیرمه ایمکانی وئریر.
آمریکانین تحریملرینه قارشی آنلاشماداکی تعهدلارینی دوردوران ایران زنگینلشدیریلمیش اورانیوم سویه‌سینی یوزده ۴،۵ نسبتینده توتوردو.
