ایران اوچون ۲۰۲۰ ایلی 'کابوس کیمی' بیر ایل اولدو
ایران‌دا گئچن ایل باش وئره‌ن حادثه‌لر بحرانلاری درینلشدیردی، ۲۰۲۰ ایسه تهران اوچون "سوءقصدلر ایلی" اولدو
آنادولو آژانسی طرفیندن توپلانان معلوماتا گؤره، ۲۰۲۰-جی ایلده کوروناویروسون یاییلماسی و سوسیال حادثه‌لر مینلرجه ایرانلینین حیاتینا سون وئردی، سیاسی بحرانلار ایسه ایرانین اولوسلارآراسی تجریدینی گوجلندیردی.
- سلیمانینین اؤلدورولمه‌سی و سونراکی حادثه‌لر
ایلین ان شوک وئریجی حادثه‌سی قاسم سلیمانینین اؤلدورولمه‌سی اولدو. ایران حاکمیتی آمریکادان قصاص آلاجاغینی بیان ائتدی. آمریکا و ایران آراسیندا گرگینلیین آرتماسی، ایکی اؤلکه نی ساواشین قاپیسینا گتیردی. سوءقصددن ایکی گون سونرا ایران رهبرلیگی نوکلئر سؤزلشمه ایله باغلی بوتون تعهدلارینین دوردورولدوغونو بیلدیردی.
-آمریکا مرکزلرینه سالدیری و اوکراینا اوچاغینین وورولماسی
سپاه اوردوسو ۸ ژانویه‌ده سلیمانینین اؤلدورولمه‌سینه قارشیلیق اولاراق آمریکانین عراقداکی آنبار ایالتین‌ده عین الاسدین هاوا مرکزینی ووردو. دونیا بو اولایی دارتیشیرکن، تهراندان قالخان اوکراینا یولچو اوچاغی اوچوش‌دان آز سونرا ایران اوردوسو طرغیندن وورولدو.
- یئنی نسیل کوروناویروس (کووید-۱۹)
کووید - ۱۹ سببی ایله اؤلکه‌ده سون بیلگیلره گؤره، ۵۵ مین ۹۵ ایرانلی اؤلدو.
- اؤلوملرین یوکسک اولدوغو بیر ایل اولدو
سلیمانینین جنازه‌سی ایله اوکراینا اوچاغینین وورولماسی نتیجه‌سین‌ده ۲۳۲ دینج وطنداشین اؤلومو و کووید - ۱۹ قایناقلی اؤلوملرین یانی سیرا، ساختا ایچکی دن دولایی۸۰۰دن چوخ اینسان زهرله‌ندی و حیاتینی ایتیردی. بون‌دان باشقا، ترافیک قضالاری و داشقینلاردا دا چوخ ساییدا وطنداش اؤلدو. اؤلکه‌نین قوزئی باتی و گونئی دوغو بؤلگه‌لرینده آیریلیقچی سلاحلی هؤؤگولر ایله میدانا گلن چاتیشمالاردا چوخ ساییدا عسگرینی حیاتینی ایتیردی. بصره کؤرفزینده ایرانا عاید "کنارک" گمی‌سینین ایران سلاحلی گوجلری طرفیندن وورولماسی نتیجه‌سین‌ده ۱۹ عسگر اؤلموش، ۱۵ نفر یارالانمیشدی.
- ایران مجلسی سئچکیلری
صلاحیت وئریلمه‌مه‌سی اوزرینه اصلاحات‌چیلارین بؤیوک بیر بؤلومونون سئچکی‌ده نامزد گؤستریلمه‌مه‌سی و بایکوت ندنی ایله ایران مجلسین‌ده محافظه‌کارلار اکثریتی الده ائتدی.
- تحریملر و یورددیشیندان مالی قایناغا آمریکا قاداغاسی
واشینگتون یؤنتیمی ایرانین بیر چوخ قورومونو و اونلارجا آپاریجی شخصی تحریم لیستینه آلدی.
- ایران پول واحدی تخمیناً یوزده یوزه یاخین دیردن دوشدو
ایران‌دا آزاد ارز بازارینی ایزله‌ین "بن بست" سایتینین بیلگیلرینه گؤره، آزاد بازاردا ۱ آمریکا دلارینین ساتیش قیمتی ایل عرضین‌ده ایلک دفعه اولاراق ۳۰ مین تومنی گئچدی.
- نطنزده‌کی اورانیم زنگینلشدیرمه تاسیسینه سابوتاژ
جولایین ۲سینده ایرانین اورانیم زنگینلشدیرمه فعالیتی اوچون بؤیوک اهمیته صاحب نطنز شهید احمدی روشن نوکلئر مرکزین‌ده پاتلاما باش وئردی.
- ایرانلی صنعتچی محمد رضا شجریان وفات ائتدی
- سلاح تحریمی
ایرانین خاریجی ایشلر باخانلیغی، ۱۸اکتبردا نوکلئر آنلاشما اساسیندا، ۱۳ ایلدیر اویقولانان اولوسلارآراسی سلاح تحریمی ایله بعضی ایرانلی مقاملارا گتیریلن اولوسلارآراسی سفر یاساغینین لغو ائدیلدیگینی بیلدیردی.
- عرب اؤلکه‌لرینین ایسراییل ایله آنلاشمالاری فیلیسطین مسئله‌سینه خیانت ساییلدی
- اینسان حاقلاری پوزوملاری و اعداملار
سون بیر ایلده ایران‌دا اونلارجا اینسان اؤلوم جزاسینا محکوم ائدیلدی. اعدام قرارلاری عدلی سوچلارا دا شامل اولارکن، ژورنالیست، آکادمیسین و فعاللار اوچون وئریلن قرارلار اولوسلارآراسی سویه‌ده بیر چوخ دؤولت و قورومون سرت تپکیسینه سبب اولدو.
- فخری‌زاده سوءقصد نتیجه‌سین‌ده حیاتینی ایتیردی
۲۷ نوامبردا ایرانین نووه پروگرامینین معمارلارین‌دان ائله‌جه ده مدافعه باخانلیغی مقاملاریندان محسن فخری‌زاده، آبسرد بؤلگه‌سینده اتومبیلینده اؤلدورولدو.
-
۲۰۲۰ده ایران اوچون ان مثبت حادثه ایسه آمریکادا ائدیلن باشقانلیق سئچکی‌لرینده دموکرات پارتی نامیزدی جو بایدنین قازانماسی اولدو.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
