پاشینیان: "حاضیردا داغلیق قاراباغ موناقیشهسینین دیپلوماتیک حلی یوخدور"
ائرمنیستانین باش ناظیری نیکول پاشینیان فیسبوک صحیفهسی واسیطهسیله ائرمنیستان وطنداشلارینا و دونیا ائرمنیلرینه مراجعت ائدیب.
ائرمنیستانین باش ناظیری نیکول پاشینیان وطنداشلارینی "جبههده دؤیوشمهیه" چاغیراراق، حاضیردا داغلیق قاراباغ موناقیشهسینین دیپلوماتیک حلینین اولمادیغینی ادعا ائدیب.
پاشینیان فیسبوک صحیفهسیندکی جانلی یاییمدا داغلیق قاراباغا اؤلکهسینین هوجوملاری ایله باشلایان و آذربایجان اوردوسونون چوخ سایدا یاشاییش منطقهسینی ایشغالدان آزاد ائتمهسینه دایر وضعیته موناسیبت بیلدیرهرک دئییب:
"بیز آیدین شکیلده باشا دوشمه لییک کی، قاراباغ مسئلهسینین، ان آزی بو مرحلهده، بو مرحلهدن باشلایاراق، دیپلوماتیک حل یولو یوخدور".
اونون سؤزلرینه گؤره، ائرمنی خالقی یالنیز الینه سلاح آلماقلا موناقیشهنین مقبول حلینه نایل اولا بیلهجک.
قئید ائدک کی، آذربایجان اوردوسو ایشغال آلتینداکی تورپاقلارینی آزاد ائتمک اوچون 27 سپتامبردا باشلادیغی عملیاتدا ایندییهدک 3 شهر و یوزدن چوخ یاشاییش منطقهسینی آزاد ائدیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.