ایران تظاهرات ایله باغلی سعودیه عربیستانینی اتهام ائتدی
ایران پولیسینین عقیدتی سیاسی قورومونون صدری علی رضا ادیانی اؤلکهسیندکی بنزین قیمتلرینین آرتیریلماسینا اعتراض نوماییشلرینی سعودیه عربیستانینین دستکلدیگینی دئییب.
ایران پولیسینین عقیدتی سیاسی قورومونون صدری علی رضا ادیانی اؤلکهسیندکی بنزین قیمتلرینین آرتیریلماسینا اعتراض نوماییشلرینی سعودیه عربیستانینین دستکلدیگینی دئییب. او بیلدیریب:
"نظارته آلینان 182 نفرین ایستینتاقی زامانی معلوم اولدو کی، اونلارین بعضیلرینین سعودیه عربیستانی، خالق مجاهیدلری تشکیلاتی و شاه طرفدارلاری ایله علاقهسی وار.
نوماییشلرده حکومت قوه لر ایله اعتراضچیلار آراسیندا چیخان قارشیدورمالار "تهلوکهسیزلیک دؤیوشو"نه بنزییر. دوشمنلریمیزین هدفی ایرانی سوریه و عراقا چئویرمکدیر".
قئید ائدک کی، امریکانین تحریم لری نین تأثیریندن ایقتیصادی باخیمدان چتین گونلر کئچیرن ایران خالقی 15 نوامبر جمعه گونوندن بنزین قیمتلرینین 3 دفعه آرتیریلماسینا اعتراضلارینی بیلدیرمک اوچون اؤلکهنین بیر چوخ شهرینده نوماییشلره باشلاییب.
اولوسلار آراسی عفو تشکیلاتی حادثهلر زامانی تخمینا 115 نوماییشچینین حیاتینی ایتیردیگینی آچیقلاییب.