پهلوی: ایراندا رژیم، دؤولتین اساس پروبلئمیدیر
"گلهجکدهکی دموکراتیک ایراندا، ایسراییل ایله ایلیشکیلرین بیر داها دوستجا اولماسینی گؤزلهییریک"
ایرانین سون شاهی محمد رضا پهلوینین اوغلو رضا پهلوی ایران و ایسراییلین بیر گون یئنیدن متفیق اولاجاغینی دئدی.
ایرانداکی ۱۹۷۹ اینقیلابیندان تخمیناً ۲ ایل اؤنجه تحصیل اوچون گئتدیگی آمریکا بیرلشمیش دؤولتلرینین نیویورک شهرینده یاشایان اوغول پهلوی ایسراییل قزئتینه دانیشدی.
پهلوی ایسراییلین آپاریجی قزئتلریندن یدیعوت آحرونوتا وئردیگی مصاحیبهده ایران-ایسراییل ایلیشکیلرینه و ایرانا دایر دگرلندیرمهلر وئردی.
پرینسیپ اولاراق بوتون دوست اؤلکهلرله قارشیلیقلی سایغی اساسیندا ایکیلی ایلیشکی قورماقدان یانا اولدوقلارینی بیلدیرن پهلوی،
"گلهجکدهکی دموکراتیک ایراندا، ایسراییل ایله ایلیشکیلرین بیر داها دوستجا اولماسینی گؤزلهییریک" ایفادهسینی ایشلتدی.
ایران خالقینا قارشی ان بؤیوک تهدیدین مؤوجود حاکمیت اولدوغونو ادعا ائدن پهلوی،
"ایرانداکی مؤوجود رژیم، دؤولتین اساس پروبلئمیدیر و کسینلیکله اؤلکهمیزین ییخیمینا سبب اولاجاق. خالق یئرینه، رژیمی قوروماق اوچون حاضیرلانمیش بیر سیستم" دئدی.