ایران، یئنی مرحله‌نین باشلادیغینی بیلدیردی
"اورانیوم زنگینلش‌یرمه سویه‌سی حاقین‌دا بیر تعهدوموز یوخدور آنجاق حاضردا اورانیومو یوزده ۲۰ زنگینلشدیرمه‌یه احتیاجیمیز یوخدور"
ایران، اورانیوم زنگینلشدیرمه اوچون گلیشمیش سانتریفوژلار ایستیفاده ائتمه‌یه باشلاییر.
ایران اتم انرژی‌سی قورومونون سؤزچوسو بهروز کمالوندی، تهران‌دا گئچیردیی مطبوعات کنفران‌سین‌دا اؤلکه‌سینین نوکلئر آنلاشماداکی تعهدلارینی آزالتما پروسه‌سینین اوچونجو مرحله‌سینی دونن باشلادیغینی بیلدیردی.
اوچونجو مرحله‌ده آراشدیرما و گلیشدیرمه تعهدلارینی آسقییا آلدیقلارینی و اورانیوم زنگینلشدیرمک اوچون گلیشمیش آی‌آر۴ و آی‌آر۶ سانتریفوژلارینا قاز وئرمه‌یه باشلادیقلارینی بیلدیره‌ن کمالوندی،
"آراشدیرما و گلیشدیرمه مسئله‌سین‌ده‌کی محدودیتلری قالدیرماغا باشلادیق. بو مرحله‌ده چوخ داها گلیشمیش سانتریفوژلاردان ایستیفاده ائده‌جییک. دیگر طرفین سؤزلرینی یئرینه یئتیرمه‌سی دوروموندا بوتون بو آددیملاردان گئری دؤنوش اولاجاق‌دیر. احتیاجلاریمیز یولوندا آراشدیرما و گلیشدیرمه اوچون یئنی سانتریفوژلار گلیشدیرجییک" دئدی.
ایرانین یوزده ۲۰ و اؤته‌سینده اورانیوم زنگینلشدیرمه گوجونه صاحب اولدوغونو وورغولایان کمالوندی،
"اورانیوم زنگینلش‌یرمه سویه‌سی حاقین‌دا بیر تعهدوموز یوخدور آنجاق حاضردا اورانیومو یوزده ۲۰ زنگینلشدیرمه‌یه احتیاجیمیز یوخدور" دئیه دانیشدی.
تهرانین آنلاشما تعهدلارینی آزالتما آددیملارینی شفاف بیر شکیل‌ده داوام ائتدیرجگینی وورغولایان کمالوندی، اولوسلارآراسی اتم انرژی‌سی آژانسینین نوکلئر تاسیس‌لرده‌کی کنترللارینی قیسیدلاما قراری قبول ائتمدیکلرینی بیلدیردی.
ایرانین، آمریکانین نوکلئر آنلاشما‌دن تک طرف‌لی چکیلمه‌سینین آردین‌دان آنلاشماداکی تعادلو تامین ائتمک اوچون تعهدلارینی آزالتما قراری آلدیغینی خاطیرلادان کمالوندی، "آوروپانین، نوکلئر آنلاشمانی قورتارماق اوچون چوخ واخت قالمادیغینی بیلمه‌سی لازیم‌دیر" ایشلتدی.
